وقيعا ورنىنا جەدەل تۇردە 300-گە جۋىق ءورت ءسوندىرۋشى مەن 36 بىرلىك ارنايى تەحنيكا كەلدى
بۇگىن قىتايدىڭ چانشا قالاسىنداعى ەڭ ءىرى China Telecom عيماراتى ورتكە وراندى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
جۇڭگو ورتالىق تەلەارناسىنىڭ حابارلاۋىنشا، جالىن ون قاباتتى شارپىپ ۇلگەرگەن. ءورت جەرگىلىكتى ۋاقىت بويىنشا 15:30 شاماسىندا باستالعان. ءورت عيمارات استىنان جوعارىعا قاراي ورلەپ كەلەدى.
وقيعا ورنىنا جەدەل تۇردە 300-گە جۋىق ءورت ءسوندىرۋشى مەن 36 بىرلىك ارنايى تەحنيكا كەلدى. الدىن الا مالىمەت بويىنشا، ءورت سوندىرۋشىلەر عيمارات ءبىرىنشى قاباتىنداعى جالىندى اۋىزدىقتاعان.
وندا 35 توننا سەرۆەرلىك جانارماي ساقتالعان، 100-اسا ادام زارداپ شەگۋى مۇمكىن.
China Telecom عيماراتى 2000 جىلى سالىنعان جانە ول كەزدە قالاداعى ەڭ بيىك عيمارات بولاتىن. 42 قاباتتى ءزاۋلىم عيماراتتىڭ بيىكتىگى 218 مەترگە جەتەدى. زارداپ شەككەندەر تۋرالى اقپارات ءالى بەلگىسىز.