بۇل تۋرالى ق ر دسم انا مەن بالا دەنساۋلىعىن قورعاۋ دەپارتامەنتىنىڭ ديرەكتورى ماعريپا ەمبەرگەنوۆا ورتالىق كوممۋنيكاسيالار قىزمەتىندە حابارلادى، دەپ حابارلايدى aqshamnews.kz.
«دەموگرافيالىق جاعدايدى جاقسارتۋ ماقساتىندا مەملەكەت باسشىسىنىڭ تاپسىرماسىمەن 2021 جىلدان باستاپ قازاقستاندا «اڭساعان ءسابي» باعدارلاماسى جۇزەگە اسىرىلىپ كەلەدى، سونىڭ اياسىندا 8 مىڭعا جۋىق كوپتەن كۇتكەن بالالار دۇنيەگە كەلدى»، - دەدى م. ەمبەرگەنوۆا.
ونىڭ ايتۋىنشا، ايەلدەردىڭ دەنساۋلىعىن نىعايتۋ جانە كاسىبي تەكسەرۋلەرمەن، الدىن-الا دايىندىقپەن جانە كونتراسەپسيامەن قامتۋدى ارتتىرۋ ءۇشىن «انالار ساۋلىعى» باعدارلاماسى دا جۇزەگە اسىرىلۋدا.
«سونداي-اق، قازاقستاندا العاش رەت جۇكتىلىككە پرەگراۆيدارلىق دايىندىق بويىنشا حالىقارالىق ۇسىنىستار ەسكەرىلگەن كلينيكالىق حاتتاما بەكىتىلدى»، — دەپ اتاپ ءوتتى سپيكەر.
ەلىمىزدەگى 240 بوسانۋ ستاسيونارىندا جۇكتى جانە بوسانعان ايەلدەرگە مەديسينالىق كومەك كورسەتىلەدى، وندا 9 مىڭنان استام توسەك-ورىن بار، ونىڭ 43%-ى اۋىلدىق جەرلەردە ايەلدەردى قابىلدايدى.