«Alatau Aqparat» مەدياحولدينگى مەن «تۇركىسوي» حالىقارالىق تۇركى مادەنيەتى ۇيىمى بىرلەسىپ، «الماتى اقشامى» گازەتىنىڭ ءفوتوتىلشىسى سامات سەرىكباي ۇلىنىڭ «ۇلى دالانىڭ ءسالت-داستۇرى» /Türk Yurtlarında Büyük Bozkırın Kültürü/ فوتوكورمەسىن ۇيىمداستىرادى، دەپ حابارلايدى aqshamnews.kz
قۇسايىنوۆ سامات سەرىكباي ۇلى – سارىسۋ اۋدانىنىڭ تۋماسى، قازاق جۋرناليستيكاسىنىڭ قايراتكەرى، قازاقستان جۋرناليستەر وداعىنىڭ مۇشەسى، اقپارات سالاسىنىڭ ۇزدىگى، «الماتى اقشامى» گازەتىنىڭ ءفوتوتىلشىسى. ۇزاق جىلدار بويى قازاق باسپاسوزىندە ەڭبەك ەتىپ كەلە جاتقان سامات سەرىكباي ۇلى ەلىمىزدىڭ مادەني-الەۋمەتتىك ومىرىندەگى ماڭىزدى وقيعالاردى فوتو ارقىلى حالىققا جەتكىزىپ كەلەدى. ول قازاقتىڭ مادەنيەتى مەن تابيعاتىن، ءداستۇرى مەن رۋحىن بەينەلەۋ ارقىلى تاريحي قۇندىلىقتاردى ساقتاۋعا زور ۇلەس قوسىپ جۇرگەن كاسىبي فوتوجۋرناليست.
«ۇلى دالا مادەنيەتى» كورمەسى — قازاق دالاسىنىڭ تاريحى، مادەنيەتى جانە ءومىر سالتىن تانىستىرۋ ماقساتىنداعى ەرەكشە شارا. كورمە قازاقستاننىڭ كەڭ بايتاق گەوگرافياسىن، ونىڭ تاريحي جانە مادەني مۇراسىن، دالا تۇرعىندارىنىڭ تابيعاتپەن ۇيلەسىمدى ءومىرىن بەينەلەيدى.
«ۇلى دالا مادەنيەتى» كورمەسىندە سامات سەرىكباي ۇلى قازاقستاننىڭ ءار ايماعىنداعى ادامداردىڭ كۇندەلىكتى ءومىرىن بەينەلەپ، ولاردىڭ قوناقجايلىلىعىن، داستۇرلەرىن جانە تابيعاتپەن بايلانىسىن كورەرمەنگە اسەرلى جەتكىزەدى. ونىڭ شىعارمالارى ۇلتتىق مادەني مۇرا رەتىندە باعالانىپ، فوتوجۋرناليستيكا سالاسىنداعى جەتىستىكتەرىمەن حالىق اراسىندا تانىمال.
كورمەنىڭ باستى ماقساتى — قازاقستاننىڭ مادەني مۇراسىن تانىتىپ، ۇلى دالانىڭ باي تاريحىن كوركەم تىلمەن بايانداۋ.
بارشاڭىزدى كورمەگە كەلىپ، وسى ەرەكشە مادەني شارانى تاماشالاۋعا شاقىرامىز!
وتەتىن ورنى: انادولى وركەنيەتتەر مۇراجايى
وتەتىن كۇنى: 2024 جىلعى 3 قازان
ۋاقىتى: 15:00
كىرۋ تەگىن.