توعاي ىشىندە جاپپاي تارتىپسىزدىككە قاتىسقان بۇلىكشىلەر ەكى مىلتىق، ريەۆولۆەر، پىشاق، كالاشنيكوۆ اۆتوماتىنىڭ پاتروندارىن، ماكاروۆ تاپانشاسىن، گراناتالاردى، وق وتپەيتىن جيلەت پەن پوليسيانىڭ جەيدەسىن جاسىرعان.
جاسىرىلعان ورىن تۋرالى جەدەل اقپارات كولونيا قىزمەتكەرلەرىنىڭ قاراماعىندا بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءبىزدىڭ مەكەمەنىڭ جەدەل ءبولىمىنىڭ قىزمەتكەرلەرى الماتى قالالىق پد كريمينالدىق پوليسيا باسقارماسىنىڭ ارىپتەستەرىمەن بىرلەسىپ جەدەل-ىزدەستىرۋ ءىس-شارالارىن جۇرگىزىپ، ونىڭ بارىسىندا ۋسپەنسكيي كوشەسىنەن 200 مەتر قاشىقتىقتاعى باۋم توعايىنان ءتۇرلى وق-دارىلەر ساقتالعان ورىن تابىلدى. كوشە وڭتۇستىكتە، اعاشتىڭ جانىندا. اتالعان دەرەك تۇركسىب اۋداندىق پوليسيا باسقارماسىندا تىركەلدى. تەرگەۋ ءجۇرىپ جاتىر»، – دەدى الماتى قالاسى بويىنشا قاجد لا-155/13 مەكەمەسى باسشىسىنىڭ ورىنباسارى شاكىر يۋنۋسوۆ.
قويمانىڭ ىشىنەن تابىلعان بولىكتەردىڭ شىنايى تيەسىلىگىن قوسىمشا تەرگەۋ انىقتايدى.