مامىر ايىندا الەۋمەتتىك جەلىدە الماتىدا زەينەتكەردىڭ سوققىعا جىعىلعان ءساتى تۇسىرىلگەن ۆيدەو تاراعان.
الماتى تۇرعىنى زەينەتكەر اناسىن قاتتى سوققىعا جىققانى ءۇشىن باس بوستاندىعىنان ايىرىلدى، دەپ حابارلايدى Almaty-akshamy.kz
بەلگىلى بولعانداي، ۆيدەودا ەنە مەن كەلىن اراسىنداعى جانجال، ونىڭ بارىسىندا 50 جاستاعى ۇلىنىڭ 74 جاستاعى اناسىن قاتتى سوققىعا جىققانى بەينەلەنگەن.
بۇل قىلمىستىق ءىستى الاتاۋ اۋداندىق سوتى قارادى.
سوت بارىسىندا سوتتالۋشى الەكساندر سميرنوۆ اناسىن قالاي ۇرعانى ەسىندە جوق ەكەنىن ايتىپ، ەندى مۇنداي جاعداي قايتالانبايتىنىن ايتىپ، كەشىرىم سۇرادى. الايدا ەگدە جاستاعى ايەل بالاسىن كەشىرمەيتىنىن ايتتى.
«سوت ۇكىمىمەن الەكساندر ۆلاديميروۆيچ سميرنوۆ باپتىڭ 2-بولىگىندە كوزدەلگەن قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلدى. قازاقستان رەسپۋبليكاسى قىلمىستىق كودەكسىنىڭ 107 بابى بويىنشا 1 جىل 6 اي مەرزىمگە باس بوستاندىعىن شەكتەۋ جازاسى تاعايىندالىپ، پروباسيالىق باقىلاۋ بەلگىلەنسىن»، - دەگەن الاتاۋ اۋداندىق سوتىنىڭ سۋدياسى گۇلزات شارداربەكوۆا.