ق ر ۇلتتىق كىتاپحاناسىنىڭ ۇلكەن زالىندا «تۇلعا بولامىن» اتتى رەسپۋبليكالىق كىتاپ وقۋ سايىسىنىڭ قورىتىندىسى ءوتتى.
اتالمىش ءىس-شارانى «شۇعىلا» قورى مەن «داريا» دامىتۋ ورتالىعى ۇيىمداستىرعان. وسىمەن 3ء-شى رەت ۇيىمداستىرىلىپ وتىرعان شاراعا 120 مىڭنان استام ادام قاتىسقان. سايىستا مەكتەپ وقۋشىلارىنىڭ اراسىنداعى اقپاراتتىق قولداۋدى رەسپۋبليكالىق عىلىمي-پەداگوگيكالىق كىتاپحاناسى جۇزەگە اسىردى. سايىسقا 4 وقۋشىلار جانە 1 ەرەسەكتەر توبى ب ا ق سىناسقان.
«جالپى، قاي كەزەڭدە بولماسىن، قازاق قوعامى اعارتۋشىلىققا كوڭىل بولگەن. مەكتەپ جوق كەزەڭدەردە مەكتەپتەر سالىنىپ، اۋىل بالالارىن مەكتەپتە وقىتقان. ءار زاماننىڭ بايلار ينستيتۋتى بولعان. قازىرگى تاڭدا ولاردى دەمەۋشىلەر دەپ ايتامىز. مەملەكەتتەن ەشقانداي قارجى الماي-اق، 120 مىڭ بالا قاتىساتىن شارا ۇيىمداستىراتىن. بۇل جوبادان ءبىلىم دە الىپ، جەڭىسكە دە جەتە الاسىزدار. ءماشھۇر ءجۇسىپتىڭ مىنانداي ءبىر ءسوزى بار: «قۇدايدىڭ جاقسىلىعى باسىڭدا تۇر» دەيدى. راسىمەن-اق، ميىمىزدى دۇرىس جۇمىس ىستەتۋدىڭ ارقاسىندا قانشاما جەتىستىكتەرگە جەتۋگە بولادى. كىتاپ وقىپ وسكەن ۇرپاقتارىمىز ەلىمىزدىڭ وركەندەۋىنە سۇبەلى ۇلەس قوسادى دەپ سەنىممەن ايتا الامىن. بۇل جوبانىڭ بولاشاعى زور بولادى دەگەن سەنىمدەمىن. تەك قازاق دالاسىن قامتىپ قانا قويماي، بارشا تۇركى ەلدەرىن قامتيدى دەگەن سەنىمدەمىن»،– دەيدى الماتى قالاسىنىڭ مادەنيەت باسقارماسىنىڭ باسشىسى عاني مايلىبايەۆ.
ءار توپتىڭ كىتاپتارى دا، جۇلدەلەرى دە بولەك بولدى. سايىسقا قاتىسۋشىلار قازاق ادەبيەتى مەن الەم ادەبيەتى كلاسسيكتەرىنىڭ كىتاپتارىن وقۋدان جارىستى. ولاردىڭ ءارقايسىسى 3 كەزەڭدە 3 كىتاپتى وقىپ ءبىتىرىپ، ءار كەزەڭنىڭ سوڭىندا كىتاپ بويىنشا ونلاين تەست تاپسىرعان.
«سايىستىڭ باستى ماقساتى – جاستاردىڭ كىتاپ وقۋعا قۇشتارلىعىن وياتۋ، وقۋشىلار اراسىندا كىتاپ وقۋ داعدىسىن قالىپتاستىرۋ، ءارى جانداندىرۋ. سول ارقىلى ءتول قۇندىلىقتارىمىزدى جاستارعا ناسيحاتتاۋ. وتكەن ماۋسىمنىڭ باس جۇلدەگەرىنە نۇر-سۇلتان قالاسىنان 1 بولمەلى پاتەر بەرىلدى. سايىستىڭ باستى جۇلدەلەرى: ىستامبۇلعا ساياحات، MacBook، iPad، Apple Watch جانە باسقا دا باعالى سىيلىقتار تاراتىلدى. بۇل سايىس قازاق ادەبيەتىن قولداپ، ونىڭ وقىرماندارىن كوبەيتۋ ماقساتىندا ۇيىمداستىرىلدى. كىتاپ وقىعان ءاربىر ازامات بولاشاقتا تۇلعا بولادى دەپ سەنىممەن ايتا الامىز»،– دەيدى «شۇعىلا» قوعامدىق قورىنىڭ پرەزيدەنتى سارسەنبەك يمانبايەۆ.
سايىسقا قاتىسۋ تەگىن بولدى. 3 كەزەڭنەن تۇراتىن سايىستىڭ ءبىرىنشى ماۋسىمىنا 50 مىڭ، ەكىنشى جانە ءۇشىنشى ماۋسىمدارىنا 120 مىڭنان استام سايىسكەر تىركەلگەن. 3 ماۋسىمدا وزا شاپقاندارى ايدانا قايىربەكوۆا، ايشا كادىرحان، شىناربەك ەرسۇلتان، بولات نۇرزادا ەسىمدى وقۋشىلار جەڭىمپاز اتانىپ باعالى سىيلىقتارعا يە بولدى.
ءىس-شاراعا زيالى قاۋىم وكىلدەرى، ادەبيەتتانۋشىلار مەن ب ا ق وكىلدەرى، مەكتەپ ۇستازدارى مەن شاكىرتتەرى قاتىستى.