ءمۇعالىم سىنىپتى گەندەرلىك پرينسيپ بويىنشا توپتارعا بولە الادى.
2021 جىلدان باستاپ ەنگىزىلگەن تاعى ءبىر جاڭالىق – دەنە شىنىقتىرۋ ءپانى مۇعالىمدەرىنە 3 ساعاتتىق سپورت سەكسياسىن وتكىزگەنى ءۇشىن جالاقىسىنا قوسىمشا 100% تولەمنىڭ بەرىلۋى، دەپ حابارلايدى Almaty-akshamy.kz مەكتەپكە دەيىنگى جانە ورتا ءبىلىم كوميتەتىنە سىلتەمە جاساپ.
جاڭا وقۋ جىلىندا دەنە شىنىقتىرۋ ساباعىندا ءبىرقاتار وزگەرىس بولادى.
بىرىنشىدەن، بالالارعا مەملەكەتتىك تاپسىرىس ارقىلى جەكە ۇيىمدارداعى ۇيىرمەلەر مەن سپورت سەكسيالارىنا قاتىسۋعا قوسىمشا مۇمكىندىك بەرىلىپ وتىر.
«دەمەك، بالالار دەنە شىنىقتىرۋ ساباقتارىندا اپتاسىنا ءۇش رەت دەنە شىنىقتىرۋمەن اينالىسادى، سونداي-اق كەستە بويىنشا سپورت سەكسيالارىنا قاتىسا الادى»، - دەلىنگەن رەسمي حابارلامادا.
2021 جىلدان باستاپ ەنگىزىلگەن تاعى ءبىر جاڭالىق – دەنە شىنىقتىرۋ ءپانى مۇعالىمدەرىنە 3 ساعاتتىق سپورت سەكسياسىن وتكىزگەنى ءۇشىن جالاقىسىنا قوسىمشا 100% تولەمنىڭ بەرىلۋى. وقۋشىلار وسى سەكسيالارعا دا قاتىسادى. بۇنىڭ بارلىعى وقۋ جوسپارلارىنىڭ جۇكتەمەسىن اسىرماي، بالالار اراسىندا بۇقارالىق سپورتتى دامىتۋعا جاعداي جاسايدى.
ال دەنە شىنىقتىرۋ ساباقتارىنىڭ سانىنا قاتىستى وزگەرىس جوق. جاڭا وقۋ جىلىندا 1-11 سىنىپ وقۋشىلارى بۇرىنعىداي اپتاسىنا ءۇش ساعاتتى دەنە شىنىقتىرۋ ساباعىنا ارنايدى. مەملەكەتتىك ءبىلىم بەرۋ ستاندارتىنا سايكەس، ءبىر سىنىپتىڭ بارلىق وقۋشىسى دەنە شىنىقتىرۋ ساباعىنا قاتىسادى. ءبىراق ءمۇعالىم بالالاردى بىرنەشە توپقا بولە الادى.
«بۇل رەتتە مەكتەپ باعدارلامالارىندا قىزدار مەن ۇلداردىڭ دەنە شىنىقتىرۋ جاتتىعۋلارىنىڭ جەكەلەگەن نورماتيۆتەرى بار، ولار ساباقتا مىندەتتى تۇردە ساقتالۋعا ءتيىس. ياعني، ءمۇعالىم سىنىپتى گەندەرلىك پرينسيپ بويىنشا توپتارعا بولە الادى. مىسالى، ساباقتا سىنىپ قىزدار مەن ۇلدار توپتارىنا بولىنەدى، ال ءمۇعالىم ءار توپقا جەكە جاتتىعۋلار بەرەدى. مۇنداي ادىستەمەلىك تاسىلدەردى سارالانعان ءادىستى قولدانۋ قاجەت بولعاندا باسقا ءپان مۇعالىمدەرى دە پايدالانادى»، - دەيدى كوميتەت ماماندارى.