مىڭ باس ءىرى قارا قىرىلىپ قالدى
تولاسسىز جاۋىن مەن تاۋداعى قاردىڭ ەرۋىنەن ايماقتاعى وزەندەر تاسىعان، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
سونىڭ سالدارىنان بۇتىندەي ەلدى مەكەندى سۋ باستى. تۇرعىندار ءقاۋىپسىز جەرگە كوشىرىلىپ جاتىر. اقش-تىڭ وڭتۇستىگى مەن ورتالىعىندا اپتاپ القىمنان الىپ تۇر.
فلوريدادا سىناپ باعاناسى 39 گرادۋسقا جەتكەن. كولەڭكەنىڭ وزىندە بايىز تاۋىپ تۇرۋ مۇمكىن ەمەس. جەرگىلىكتى جۇرت جاپپاي وزەن-كول جاعالاپ كەتكەن. كۇننىڭ شىجىپ تۇرعانى سونشا، وعان ءتىپتى ءتورت تۇلىك تە شىدامايدى. كانزاستا 1 مىڭ ءىرى قارا باۋداي ءتۇستى. ال كاليفورنيادا سۋعا شەكتەۋ قويىلدى. جاڭا ەرەجە بويىنشا، تۇرعىندار باقشانى اپتاسىنا ءبىر-اق رەت سۋارادى. سينوپتيكتەردىڭ ايتۋىنشا، ىستىقپەن الىسقان امەريكالىقتارعا ءالى دە ءبىراز سابىر ساقتاۋعا تۋرا كەلەدى. ويتكەنى اپتاپ اپتا سوڭىنا دەيىن جالعاسادى.
اپتاپ فرانسيانى دا باۋىرىنا قىسىپ تۇنشىقتىرىپ جاتقانداي. سينوپتيكتەر ىستىق بىرەر كۇندە قايتادى دەيدى. ەلەكتر قۋاتىنىڭ سوڭعى ۋاقىتتا قىمباتتاپ كەتكەنىن ەسكەرسەك، كونديسيونەر قوسىپ، سالقىن ۇيدە تىنىستاپ جاتۋ ەكى اياقتىنىڭ بارىنە بىردەي قولجەتىمدى ەمەس. سۋ دا سونداي. سەبەبى ەلدىڭ 35 وڭىرىندە تىرشىلىك كوزىن قولدانۋعا شەكتەۋ قويىلعان.