5 قىركۇيەك كۇنى تاڭەرتەڭ الماتى قالاسىنداعى مونشا كەشەنى ورتەندى.
2021 جىلعى 5 قىركۇيەكتە تاڭعى 7ساعات: 49مينۋتتا ءورت سوندىرۋشىلەر مەدەۋ اۋدانى، كەرەي جانە جانىبەك حاندار ك-سى، 452-گە شىقتى. كەلگەن بويدا «ليا كۋپەل» ەكى قاباتتى مونشا كەشەنىنىڭ «پاريلنايا» ءبولىمىنىڭ جانۋى انىقتالدى، دەپ حابارلايدى Almaty-akshamy.kz.
الماتى قالاسى توتەنشە جاعدايلار دەپارتامەنتىنىڭ مالىمەتىنشە، جانىپ تۇرعان پەنوبلوك پەن اعاشتان جاسالعان مونشا كەشەنىنىڭ عيماراتى، ءورتتىڭ جاقىن ورنالاسقان ەكى عيماراتىنا تارالۋ ءقاۋپىن تۋدىردى.
قاتتى تۇتىندەۋگە بايلانىستى گاز-تۇتىننەن قورعاۋ قىزمەتىنىڭ بۋىندارى ىسكە قوسىلدى. ءورت وشاعىن انىقتاۋ ءۇشىن تەپلوۆيزورلار قولدانىلدى. بارلاۋ جۇمىستارنى كەزىندە ەكىنشى قاباتتىڭ توبە جابىندىسىنىڭ جارتىلاي وپىرىلۋى ورىن الدى، ءارى قاراي ءورت سوندىرۋشىلەر قاۋىپسىزدىك تەحنيكاسىن ساقتاي وتىرىپ، ءورت سوندىرۋگە جانە قورعاۋعا ءورت وقپاندارى ەنگىزدى، ماگيسترالدىق جەلىلەر تارتىلىپ، اۆتوسيستەرنالار ءورت گيدرانتتارىنا ورناتىلدى،
سونداي-اق كەشەن اۋماعىنداعى اشىق سۋ كوزىنەن موتوپومپادان سۋ الىنىپ، وسىلايشا سۋدى ۇزدىكسىز بەرۋ قامتاماسىز ەتىلدى. اۋداننىڭ سۋ كوزدەرىنىڭ از بولۋىنا بايلانىستى «الماتى سۋ» قوسىمشا سۋ تاسىمالداۋ ۇيىمداستىرىلعان.
اكىمشىلىكتىڭ ايتۋىنشا، كەشەندە دەمالۋشىلار بولعان جوق.
ءورتتى سوندىرۋگە جەكە قۇرامىنان 34 ادام، 8 بىرلىك تەحنيكا جانە قالالىق ءوزارا ارەكەتتەسۋ قىزمەتتەرى جۇمىلدىرىلدى.
قابىلدانعان شارالارمەن ءورت 9:58 دە اۋىزدىقتالىپ، مونشا كەشەنىنىڭ جانىندا تۇرعان عيماراتتارعا تاراتۋعا جول بەرىلمەدى.