بۇعان كوشباسشى IT الىپتارى الاڭداۋشىلىق ءبىلدىردى
ClearView AI مۇنداي شارا بۇكىل الەمدەگى قۇقىق قورعاۋ جانە مەملەكەتتىك ورگانداردىڭ قاداعالاۋ جۇيەسىن قۇرۋعا كومەكتەسەدى دەپ سانايدى. بۇل باستاماعا IT-يندۋستريا الىپتارى نارازىلىق تانىتىپ، سىن ايتتى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ClearView AI بەت-الپەتتى تانۋ كومپانياسى ينۆەستورلارعا ءوز دەرەكتەر بازاسىندا ءبىر جىل ىشىندە 100 ميلليارد ادامنىڭ فوتوسۋرەتى بولاتىنىن ايتتى. ال بۇل كولەم "الەمدەگى بارلىق دەرلىك ادامداردى يدەنتيفيكاسيالاۋعا" جەتكىلىكتى بولادى، دەپ حابارلايدى The Washington Post.
قارابايىر ساناق بويىنشا جەردىڭ ءار تۇرعىنىنا 14 فوتوسۋرەتتەن كەلەدى. ClearView AI مۇنداي شارا بۇكىل الەمدەگى قۇقىق قورعاۋ جانە مەملەكەتتىك ورگانداردىڭ قاداعالاۋ جۇيەسىن قۇرۋعا كومەكتەسەدى دەپ سانايدى.
Clearview AI ءۇشىن فوتوسۋرەتتەردىڭ نەگىزگى كوزى - الەۋمەتتىك جەلىلەر مەن ادامداردىڭ ءوزى سۋرەتتەرىن ورنالاستىراتىن ءارتۇرلى ۆەب-سايتتار. سۋرەتتەر ادامداردىڭ كەلىسىمىنسىز جينالاتىنى ايتىلادى.
بۇعان كوشباسشى IT الىپتارى الاڭداۋشىلىق ءبىلدىردى. Facebook، Google، Twitter جانە YouTube، رۇقساتسىز دەرەك جيناۋدى دەرەۋ توقتاتىپ، دەرەكقوردان فوتو-كونتەنتتى جويۋدى تالاپ ەتتى. بۇعان جاۋاپ رەتىندە Clearview AI وزدەرىنىڭ بۇل ارەكەتى زاڭدى ەكەنىن ايتىپ، اقش-تىڭ كونستيتۋسياسىنىڭ ءبىرىنشى وزگەرىسىندە قابىلدانعان نورمانى العا تارتتى.
كاليفورنيا، يللينويس، نيۋ-يورك، ۆەرمونت جانە ۆيردجينيادا اتالعان كومپانيا اتىنا تۇسكەن شاعىمدار كوبەيگەن. نيۋ-دجەرسيدىڭ باس پروكۋرورى پوليسياعا ClearView AI تەحنولوگياسىن پايدالانباۋدى بۇيىردى.
شۆەسيا بيلىگى وتكەن جىلى وسى تەحنولوگيانى قولدانعانى ءۇشىن جەرگىلىكتى پوليسيا باسقارماسىنا ايىپپۇل سالدى.
سونداي-اق، كومپانيا اتىنا كانادا، شۆەسيا جانە ۇلىبريتانيانىڭ فەدەرالدى سوتتارىندا ۇجىمدىق، سونداي-اق فرانسيا، گرەسيا، يتاليا جانە ۇلىبريتانيا قوعام وكىلدەرى تاراپىنان شاعىم قارشا بوراپ جاتىر.
اۆستراليا مەن فرانسيا ۇكىمەتتەرى ClearView-كە بازادان ءوز ازاماتتارىنىڭ دەرەكتەرىن الىپ تاستاۋدى بۇيىردى، ال اۆستراليا كومپانيا ادامداردىڭ بەت-الپەتىن پايدالانا وتىرىپ، ونى ماقساتتى تۇردە جاسىرىن مونەتيزاسياعا اينالدىرعان دەپ مالىمدەدى.
كومپانيا قىزمەتى باستالعاننان بەرى ءوز كليەنتتەرىنىڭ ءتىزىمىن كەڭەيتتى، ونىڭ ىشىندە قۇقىق قورعاۋ ورگاندارى، ۇلتتىق قاۋىپسىزدىك مينيسترلىگى، فبر جانە اقش اسكەرى دە بار.