تارتىپسىزدىك كەزىندە ول توپتىڭ تەپكىسىندە قالعان
قاڭتار ايىنىڭ باسىندا الماتىدا ورىن العان جاپپاي تارتىپسىزدىك كەزىندە كوپتەگەن پوليسيا قىزمەتكەرلەرى مەن اسكەري قىزمەتشىلەردىڭ اۋىر جاراقاتتار الىپ، كەيبىرىنىڭ قازا تاپقانى بارشاعا بەلگىلى. ءدال سول كۇندەرى قوعام قاۋىپسىزدىگى ءۇشىن قىزمەت ەتۋگە شىققانداردىڭ ءبىرى – عازيز نۇرعالىموۆ. ول – الماتى قالاسى اۋەزوۆ اۋداندىق پوليسيا باسقارماسىنىڭ ۋچاسكەلىك پوليسيا ينسپەكتورى، دەپ حابارلايدى Almaty-akshamy.kz.
ىشكى ىستەر ورگاندارىندا 2014 جىلدان بەرى جۇمىس ىستەيدى. تارتىپسىزدىك كەزىندە توپتىڭ تەپكىسىنىڭ استىندا قالعان پوليسيا اعا لەيتەنانتى بۇگىندە قالالىق اۋرۋحانالاردىڭ بىرىندە ەم الۋدا. مويىنان تەمىرمەن سوققى العان ينسپەكتور Polisia.kz سايتىنا بەرگەن سۇحباتىندا وقيعانىڭ ءمان-جايىن تولىقتاي بايانداپ بەردى.
بالا كەزدەن پوليسەي بولۋدى ارمانداعان عازيز ءاردايىم ازاماتتاردىڭ قاۋىپسىزدىگى ءۇشىن قىزمەت ەتۋگە دايىن. «امان-ەسەن اۋرۋحانادان شىقسام، جۇمىسىمدى جالعاستىرامىن»، – دەيدى ول.
قاڭتار ايىنىڭ باسىندا ورىن العان مەملەكەتتىك توڭكەرىستى بولدىرماۋ كەزىندە جالپى 3037 پوليسيا قىزمەتكەرى مەن ۇلتتىق ۇلاننىڭ اسكەري قىزمەتشىسى ءتۇرلى جاراقات الدى. قازىرگى تاڭدا 107 قىزمەتكەر ءارتۇرلى اۋىر جاراقاتتارىمەن ەم الۋدا.
تارتىپسىزدىك سالدارىنان ىشكى ىستەر ورگاندارىنىڭ 8 قىزمەتكەرى قازا بولدى.