ال شاۆكات راحمونوۆ «مۇنى جانكۇيەرلەر ءۇشىن جاساۋعا بولاتىنىن» ايتتى
شاۆكات راحمونوۆتىڭ قارسىلاسى دجەفف نيل جاراقات العاندىقتان، 14 قاڭتارعا جوسپارلانعان جەكپە-جەك وتپەي قالۋى مۇمكىن. بۇل حاباردان كەيىن امەريكالىق فايتەر وتانداسىمىزدى جەكپە-جەككە شاقىردى، دەپ حابارلادى Almaty-akshamy.kz.
Stan.kz جازعانداي، شاۆكات راحمونوۆتىڭ كەلەسى كەزدەسۋى لاس-ۆەگاستاعى UFC Fight Night 217 تۋرنيرىنە جوسپارلانعان. ءقازىر راحمونوۆقا قارسىلاس ىزدەۋ جۇمىستارى ءجۇرىپ وتىر.
دجەفف ءنيلدىڭ جاراقات العانى بەلگىلى بولعان سوڭ امەريكالىق شاۆكاتپەن جۇدىرىقتاسۋعا ءازىر ەكەنىن مالىمدەدى.
«نيل شىعىپ قالدى. بۇعان دەيىن قىسقا حابارلاندىرۋ نەگىزىندە توبەلەسۋىمىز كەرەك ەدى. سەنىمەن ەشكىم جۇدىرىقتاسقىسى كەلمەيدى. مۇنى 180 فۋنت سالماق دارەجەسىندە جۇزەگە اسىرايىق، سول جەردە كەزدەسەيىك»، – دەپ جازدى برايان باربەرنا.
ال شاۆكات راحمونوۆ «مۇنى جانكۇيەرلەر ءۇشىن جاساۋعا بولاتىنىن» ايتتى.
باربەرنا UFC-دەگى سوڭعى جەكپە-جەگىن 3 جەلتوقساندا وتكىزگەن. الايدا ەكىنشى راۋندتا قىلعىندىرۋ ادىسىمەن جەڭىلىپ قالدى.