پرەزيدەنت قاسىم-جومارت توقايەۆ شاحماتتان بليس بويىنشا ايەلدەر اراسىندا الەم چەمپيونى اتانعان داڭقتى شاحماتشى ءبيبىسارا اساۋبايەۆانى قۇتتىقتادى، دەپ حابارلايدى Almaty-akshamy.kz اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى ەكىنشى رەت قاتارىنان التىن مەدال يەلەنگەن ءبيبىسارانىڭ جەڭىسى ونىڭ اسقان شەبەرلىگى مەن ەرەن ەرىك-جىگەرىن تاعى ءبىر رەت پاش ەتكەنىن اتاپ ءوتتى.
ونىڭ ايتۋىنشا، الەمدىك سايىستاعى وتاندىق سپورتشىلاردىڭ وسىنداي ەلەۋلى جەتىستىكتەرى ەلىمىزدى ينتەللەكتۋال ۇلت رەتىندە تانىتىپ، قازاقستاندا شاحمات سپورتىنىڭ دارىپتەلۋىنە ىقپال ەتەدى جانە مىڭداعان جاس ورەندەردى جىگەرلەندىرەدى.
سونىمەن قاتار، قاسىم-جومارت توقايەۆ ءبيبىسارا اساۋبايەۆاعا الەمدىك شاحمات ارەناسىندا جارقىن جەڭىستەرگە جەتە بەرۋىنە تىلەكتەستىك ءبىلدىردى.