شىمكەنتتە سالماعى 7 كەلىگە جۋىق الىپ ءسابي دۇنيەگە كەلدى.
شىمكەنت قالالىق №2 اۋرۋحانا پەرزەنتحاناسىندا الىپ ءسابي دۇنيەگە كەلدى، دەپ حابارلايدى aqshamnews.kz قالالىق دەنساۋلىق ساقتاۋ باسقارماسىنىڭ مالىمەتىنە سىلتەمە جاساپ.
41 جاستاعى ايەل 6 700 گرامم سالماقتاعى ەر بالانى ءوزى تابيعي جولمەن، ەشقانداي اسقىنۋسىز ومىرگە اكەلدى. بۇل ەلىمىزدە سيرەك كەزدەسەتىن جاعداي، دەيدى دارىگەرلەر. الىپ بالا وتباسىنداعى التىنشى پەرزەنت بولىپ وتىر. كوپ بالالى انا بۇعان دەيىن دۇنيەگە ءتورت ۇل، ءبىر قىز اكەلگەن.
"قازىرگى تاڭدا انانىڭ دا، بالانىڭ دا جاعدايى جاقسى. تاڭعالارلىعى الىپ بالانى اناسى ءوزى بوساندى. وتا دا، كۇردەلى ارالاسۋ دا قاجەت بولمادى"، - دەيدى دارىگەرلەر.
ايتا كەتەيىك، جىل باسىنان بەرى شىمكەنتتە 6719 ءسابي دۇنيەگە كەلگەن. ونىڭ ىشىندە 3271 قىز، 3448 ۇل بالا.