الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەسىندە جازاسىن وتەپ جاتقان جاسوسپىرىمدەرگە قازاقتىڭ ات ابزەلدەرى، ەر-تۇرمانى تانىستىرىلدى.
ءىستى بولىپ، تۇزەۋ مەكەمەسىندە وتىرعان جاستارعا تانىمدىق، رۋحاني كەش سىيلاعان – ءابىلحان قاستەيەۆ اتىنداعى قازاقستان رەسپۋبليكاسىنىڭ مەملەكەتتىك ونەر مۋزەيىنىڭ عىلىمي-زەرتتەۋ ماگيسترى اقجىگىت ءنۇسىپ. ونەر وكىلى بالالارعا قازاق اتامىز پايدالانعان ات جابدىقتارىنىڭ حرونولوگياسى، تيپولوگياسى، ادىس-تاسىلدەرى جانە كوركەمدىك نەگىزدەرى تۋرالى ايتىپ بەردى. تاقىرىپقا قىزىعۋشىلىق تانىتقان جاستار مۋزەيدەن كەلگەن قوناققا ءتۇرلى ساۋالدار قويدى.
– رۋحاني قۇندىلىقتارىمىزدى ناسيحاتتايتىن وسىنداي كەزدەسۋلەر جاسوسپىرىمدەردىڭ ەستەتيكالىق تالعامىن ارتتىرادى، وتكەنىن قادىرلەۋگە، تاريحتى بىلۋگە جەتەلەيدى دەپ بىلەمىز. ءبىز ولارعا قايتكەن جاعدايدا دا جاقسى كۇندەردەن كۇدەر ۇزبەۋىنە، ءالى دە ءومىرىن تۇزەۋگە مۇمكىندىك بارىن ۇعىندىرىپ، وسىنداي تانىمدىق كەشتەر ارقىلى ءبىلىمىن، زەردەسىن اشۋعا كومەكتەسەمىز، – دەيدى №11 مەكەمە باستىعى ادىلەت پولكوۆنيگى المات سۇلەيمەنوۆ.