جۇڭگو استاناسىن قۇيىن سوقتى

بەيجىڭدە تاڭەرتەڭنەن شاڭنان ەشتەڭە كورىنبەي قالعان.

جۇڭگو استاناسى بەيجىڭدە سارسەنبى كۇنى شاڭدى داۋىل سوعىپ، اۋا رايى قاۋىپسىزدىگىنىڭ «سارى» دەڭگەيى جاريالاندى، دەپ حابارلايدى اlmaty-akshamy.kz.

بەيجىڭدە تاڭەرتەڭنەن شاڭنان ەشتەڭە كورىنبەي، قالاداعى عيماراتتار تۇمان اراسىندا قالعان. اۋا لاستانۋ دەڭگەيى قالاداعى كوپتەگەن اۋدارداردا جانە قالا ماڭىندا «اۋىر» دەپ باعالانۋدا.

رم2.5 ۇساق بولشەكتەرىنىڭ كونسەنتراسياسى 500 مكگ/تەكشەدەن استى، بۇل قحر-دا بەلگىلەنگەن نورمادان بىرنەشە ەسە كوپ.

مەتەورولوگتار بولجامىنشا، تۇندە جاعداي جاقسارىپ، كورسەتكىش بىرتىندەپ تومەندەيدى.

اۋانىڭ «حالىق دەنساۋلىعى ءۇشىن ءقاۋىپتى» دەڭگەيدە لاستانۋىنا بايلانىستى بەيجىڭنىڭ توتەنشە جاعداي باسقارماسى تۇرعىندارعا اشىق اۋادا وتكىزىلەتىن سپورتتىق ءىس-شارالاردان باس تارتۋدى ۇسىندى.

بالالارعا، قارت ادامدارعا، سونداي-اق وكپە جانە جۇرەك-قان تامىرى اۋرۋلارى بار تۇرعىندارعا دالاعا شىقپاۋعا جانە قولايسىز اۋا رايى اياقتالعانشا ۇيدە بولۋعا كەڭەس بەرىلدى.

ايتا كەتەيىك، 21 ناۋرىزدان باستاپ قۇم مەن شاڭنىڭ اۋقىمدى فرونتى گانسۋ پروۆينسياسىنا، نينسيا-حۋي اۆتونوميالىق ايماعىنا جانە قحر ىشكى موڭعولياسىنىڭ ورتالىق بولىگىندە بولدى. ءقازىر قۇمدى داۋىل قىتايدىڭ سولتۇستىگىنە، سونىڭ ىشىندە بەيجىڭگە كەلىپ، ەلدىڭ شىعىس تەڭىز پروۆينسيالارىنا قاراي ىعىستى.