ەسكەرتكىش بىلتىر اشىلعان
الماتى اكىمدىگى بىلتىر ىبىراي التىنسارينگە ورناتىلعان ەسكەرتكىش پارامەترلەرىنىڭ سايكەس كەلمەۋىنە قاتىستى ماسەلەگە تۇسىنىك بەردى، دەپ حابارلايدى Almaty-akshamy.kz.
«بۇل الماتى قالاسىنداعى 2021 جىلدا سالىنعان 68 750 000 تگ تۇراتىن بابامىزدىڭ ەسكەرتكىشى. قۇجات بويىنشا بيىكتىگى 750 سم، شىن مانىندە – 527 سم. 223 سم ايىرماشىلىقتى اقشامەن ساناساق قانشا بولادى ەكەن؟»، - دەپ جازدى Facebook-پاراقشاسىندا «ادىلدىك جولى» رەسپۋبليكالىق قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆ.
ونىڭ ايتۋىنشا، ەسكەرتكىش تۇعىرىنىڭ بيىكتىگى 350 سم، ال شىن مانىندە – 177 سم. ەسكەرتكىشتىڭ ءوزى 400 سم بولۋى ءتيىس، ولشەگەندە – 350 سم.
«ايىرماشىلىق نەبارى 223 سم بولعانىمەن، ماتەريالداردىڭ، سونىڭ ىشىندە كوركەمدىك ءۇشىن قولدانىلاتىن Oسس-545 ماركالى قولانىڭ قىمباتتىعىن ەسكەرەر بولساق، تەوريالىق تۇرعىدا لايىقتى سوما شىعىپ تۇر»، - دەپ جازدى ول.
وسىعان بايلانىستى قازاقپارات اگەنتتىگى قالا اكىمدىگىنە ساۋال جولداعان بولاتىن.
مىنانداي جاۋاپ الدىق: «ەسكەرتكىش ق ر مادەنيەت جانە سپورت ءمينيسترىنىڭ 2020 جىلعى 28 ساۋىردەگى № 103 بۇيرىعىمەن بەكىتىلگەن مونۋمەنتالدى ونەر عيماراتتارىن ورناتۋ قاعيدالارىنا سايكەس ورناتىلدى.
2021 جىلعى 12 تامىزدا ق ر مادەنيەت جانە سپورت مينيسترلىگىنىڭ مونۋمەنتالدى ونەر عيماراتتارىن ورناتۋ جونىندەگى كوميسسياسىنىڭ وتىرىسىندا 3 ەسكيزدىك جوبا قارالدى. ناتيجەسىندە ەسكەرتكىشتىڭ ەستەتيكالىق كەلبەتى تۋرالى كەيبىر ەسكەرتۋلەرمەن № 112200 ەسكيزدىك جوبا ماقۇلداندى.
جوعارىدا كورسەتىلگەن ەسكەرتۋلەردى نازارعا الا وتىرىپ، 2021 جىلدىڭ قىركۇيەگىندە الماتى قالاسىنىڭ تاريح جانە مادەنيەت ەسكەرتكىشتەرىن قورعاۋ جونىندەگى كوميسسيا ى. التىنسارينگە ورناتىلعان ەسكەرتكىش جانىندا كوشپەلى كەڭەس وتكىزدى. ەسكەرتكىشتىڭ اۋقىمى عيماراتتىڭ بيىكتىگىنە سايكەس كەلمەۋى سالدارىنان تۇعىردىڭ كولەمىن 350 سم-دەن 165 سم-گە قىسقارتۋ تۋرالى كوميسسيالىق شەشىم قابىلداندى. بۇل شەشىم كوشپەلى كەڭەستىڭ حاتتاماسىندا تىركەلگەن. ياعني، ەسكەرتكىشتىڭ بيىكتىگى وزگەرگەن جوق، تۇعىر قىسقاردى.
الەۋمەتتىك جەلىلەردە ەسكەرتكىشتىڭ بيىكتىگى 350 سم، ال تۇعىردىڭ بيىكتىگى 177 سم ەكەندىگى كورسەتىلگەن. ەسكەرتكىشتى دايىنداۋ مەن ورناتۋدى «Aspantau Construstion» ج ش س جۇزەگە اسىردى.
اۆتورلاردىڭ اقپاراتىنا سايكەس، ەسكەرتكىش تەحنيكالىق سيپاتتاماعا سايكەس OCS 545 ماركالى قولادان جاسالعان. تۇعىردىڭ بيىكتىگى 165 سم، ال فيگۋرالار ونىڭ اجىراماس بولىگى بولىپ تابىلاتىن پوديۋمدى قوسقاندا 400 سم.
باستاپقى كريتەرييلەر بويىنشا دايىندالعان تۇعىر كوميسسيانىڭ شەشىمىمەن قىسقارعاننان كەيىن قالعان ماتەريال (تاس) ودان ءارى پايدالانۋعا جارامسىز بولىپ شىقتى جانە ءالى كۇنگە دەيىن «Aspantau Construstion» ج ش س اۋماعىندا ساقتاۋلى.
«الماتى قالاسىنىڭ مادەنيەت باسقارماسى بۇگىن ەسكەرتكىشتى باقىلاۋ ولشەۋىن جۇرگىزىپ، عيمارات اۆتورلارى كورسەتكەن پارامەترلەردى راستادى».
ەسكە سالايىق، بىلتىرعى 30 جەلتوقساندا الماتى قالاسىندا كورنەكتى اعارتۋشى-پەداگوگ، جازۋشى، ەتنوگراف، قوعام قايراتكەرى ى. التىنسارينگە ەسكەرتكىش ورناتىلعان بولاتىن.