"ۇزدىك جاتتىقتىرۋشى" اتاعىنا مىرزاعالي ايتجانوۆ لايىقتى دەپ تانىلدى.
12 جەلتوقسان كۇنى ۇلتتىق وليمپيادالىق كوميتەت جىلدىڭ سپورتتىق وقيعالارىن قورىتىندىلادى، دەپ حابارلايدى Almaty-akshamy.kz olympic.kz سايتىنا سىلتەمە جاساپ.
ەلورداداعى كونگرەسس ورتالىقتا قازاقستان تاۋەلسىزدىگىنىڭ 30 جىلدىعىنا ارنالعان «اltyn Samǵaý-2021» ۇلتتىق سپورتتىق جۇلدەسىن سالتاناتتى تۇردە تابىستاۋ ءراسىمى ءوتتى.
كەش قوناقتارى قاتارىندا سپورتشىلار، جاتتىقتىرۋشىلار، سپورت ارداگەرلەرى، مەملەكەت قايراتكەرلەرى مەن سپورتتىق ۇيىمداردىڭ باسشىلارى بولدى. ولاردىڭ قاتارىندا ق ر پرەمەر-مينيسترى اسقار ءمامين مەن قازاقستان ۇوك باسشىسى تيمۋر قۇلىبايەۆ تا بار.
پاندەمياعا بايلانىستى شەكتەۋلەرگە وراي، سالاناتتى شارا ەلىمىزدىڭ ءۇش قالاسىندا ءبىر مەزگىلدە ءوتتى. شارانىڭ نەگىزگى بولىگى نۇر-سۇلتاندا ۇيىمداستىرىلسا، الماتى مەن تۇركىستاندا جاساقتالعان ارنايى ستۋديادان ونلاين كورسەتىلىم جۇرگىزىلدى. بۇل ۇمىتكەرلەر مەن قوناقتاردىڭ قاۋىپسىزدىگى ءۇشىن ماڭىزدى ەكەنىن ايتا كەتكەن ءجون. قازاقستاننىڭ تاۋەلسىزدىك جىلدارىنداعى وليمپيادا جەڭىمپازدارى مەن جۇلدەگەرلەرى كەشتىڭ قۇرمەتتى قوناعى اتاندى.
«سپورتشىلاردىڭ تابىسى مەن جەڭىسىن ءبىز ماقتان ەتەمىز. جەڭىستىڭ قۇرمەتىنە تاۋەلسىز قازاقستاننىڭ بايراعى كوتەرىلىپ، ەلىمىزدىڭ ءانۇرانى شىرقالادى. ءبىز سىزدەردىڭ جەتىستىكتەرىڭىزبەن ماقتانامىز. سىزدەردى جاس ۇرپاق ۇلگى ەتەدى. سىزدەرگە دەنساۋلىق، باقىت، تابىس جانە جاڭا جەڭىستەر تىلەيمىز»، - دەدى جيىندا ءسوز العان ۇوك باسشىسى تيمۋر قۇلىبايەۆ.
كوپتەگەن اتالىم بويىنشا ۇزدىكتەردى جانكۇيەرلەر تاڭدادى. 22 قاراشا مەن 6 جەلتوقسان ارالىعىندا ولار وزدەرىنىڭ سۇيىكتى سپورتشىلارىن Olympic.kz سايتىندا داۋىس بەرۋ ارقىلى انىقتادى. «ۇزدىك سپورتشى» جانە «ۇزدىك سپورتشى قىز» اتالىمىندا قىسقى جانە جازعى سپورت تۇرلەرىنەن ءتورت جەڭىمپاز تاڭدالدى.
توكيو-2020 وليمپياداسىنىڭ قولا جۇلدەگەرى ءارى الەم چەمپيونى ساكەن بيبوسىنوۆ، كاراتەدەن توكيو-2020 وليمپياداسىنىڭ جانە الەم چەمپيوناتىنىڭ قولا جۇلدەگەرى سوفيا بەرۋلسيەۆا، سونداي-اق، شورت-ترەكتەن الەم كۋبوگى كەزەڭدەرىنىڭ جۇلدەگەرى دەنيس نيكيشا مەن فريستايل-موگۋلدان الەم چەمپيوناتىنىڭ جۇلدەگەرى يۋليا گالىشيەۆا جۇلدە يەگەرى اتاندى.
«مەنى ۇزدىك سپورتشى دەپ تانىعانى ءۇشىن وتە باقىتتىمىن. الايدا، ءبىزدىڭ سپورتشىلاردى تۇگەل جەڭىمپاز دەپ ەسەپتەيمىن. سوڭعى ەكى جىل بارلىعىمىز ءۇشىن قيىن بولعانى جاسىرىن ەمەس. جارىستار كەيىنگە شەگەرىلىپ، ءتىپتى، مۇلدە وتپەي قالدى. ايلار بويى جاتتىعۋ جاساۋدىڭ ءوزى مۇڭ بولدى. سوندىقتان، بۇگىن چەمپيوندار مەن سپورتشىلار باس قوسقان جيىنعا قاتىسۋ ۇلكەن ابىروي. مۇنداي بايقاۋعا العاش رەت قاتىسىپ تۇرمىن. ۇلتتىق سپورتتىق جۇلدە بارلىق وليمپيادا چەمپيوندارى مەن سپورت ارداگەرلەرىنىڭ باسىن قوساتىن بىردەن-بىر جيىن. سولارمەن ءبىر قاتاردا تۇرۋ مەن ءۇشىن ۇلكەن مارتەبە. ماعان داۋىس بەرگەن ءاربىر ادامعا العىس ايتامىن. ءبىزدىڭ تۋىمىز الەمدىك جارىستاردا كوككە كوتەرىلۋى ءۇشىن مەن ءارى قاراي ەڭبەكتەنەمىن»، - دەدى ساكەن بيبوسىنوۆ.
قىسقى سپورت تۇرلەرىندەگى كوماندالار وليمپياداعا دايىندىق ۇستىندە. ولار قازىرگى ساتتە 2022 جىلعى بەيجىڭ وليمپياداسىنا دايىندالۋ ۇستىندە. سول سەبەپتى، سالتاناتتى ءىس-شاراعا قاتىسا العان جوق.
«ماعان داۋىس بەرگەن بارشاڭىزعا العىسىمدى جولدايمىن. وكىنىشكە قاراي، ءبىز وسىمەن بىرنەشە رەت ەلىمىزدەگى ەڭ باستى وقيعادان سىرت قالىپ جاتىرمىز. ءبىز ءقازىر وليمپيادا قارساڭىنداعى ماڭىزدى جارىستاردا ب ا ق سىناۋدامىز. ليسەنزيا جولىنداعى تۋرنيرلەر وتۋدە. سوندىقتان، بارشا جانكۇيەرلەردى ءبىزدى قولداۋعا شاقىرامىن»، - دەدى يۋليا گالىشيەۆا.
"ۇزدىك جاتتىقتىرۋشى" اتاعىنا مىرزاعالي ايتجانوۆ (بوكستان قازاقستان كومانداسىنىڭ اعا باپكەرى جانە ساكەن بيبوسىنوۆتىڭ جەكە جاتتىقتىرۋشىسى) پەن ءمادىعالي قارسىبەكوۆ (شورت-ترەكتەن قازاقستان كومانداسىنىڭ باس باپكەرى) جازعى جانە قىسقى سپورت تۇرلەرى بويىنشا لايىقتى دەپ تانىلدى.
«جىلدىڭ ۇزدىك كومانداسى» اتاعىن فۋتزالدان قازاقستان قۇراماسى ەنشىلەدى. بيىل فۋتزالشىلار الەم چەمپيوناتىنىڭ جارتىلاي فينالىنا شىعىپ، ءتورتىنشى ورىنعا تابان تىرەگەن بولاتىن. "جىل جاڭالىعى" اتالىمىندا توكيو-2020 وليمپياداسىنىڭ قاتىسۋشىسى ءارى الەم چەمپيوناتىنىڭ قولا جۇلدەگەرى نۇرقانات ءاجىقانوۆ توپ جاردى. ول الەم چەمپيوناتىنداعى كوماندالىق سىندا دا قولا جەڭىپ العانىن ەسكە سالامىز.
«ۇزدىك ايماق» اتالىمىندا وزگەرىستەر بار. بيىل ۇيىمداستىرۋشىلار وليمپيادالىق سپورت تۇرلەرى بويىنشا 36 ۇلتتىق فەدەراسياعا تىزگىن بەرىپ، ۇزدىك ايماقتى فەدەراسيا وكىلدەرى انىقتادى. وتە تارتىستى وتكەن داۋىس بەرۋ ناتيجەسىندە الماتى قالاسى الماتى وبلىسىن ءبىر ۇپاي باسىمدىعىمەن ۇتىپ، جەڭىسكە جەتتى.
«ۇزدىك ۇلتتىق سپورتتىق فەدەراسيا» اتالىمىندا قازاقستان تەننيس فەدەراسياسى توپ جاردى. جەڭىمپازدى قازاقستان ۇوك جانىنان قۇرىلعان ارنايى كوميسسيا انىقتادى. فەدەراسيانىڭ جۇمىسى كوپتەگەن تالاپتار بويىنشا تەكسەرىلدى: ينفراقۇرىلىمدى دامىتۋعا قوسقان ۇلەسى، ايماقتارداعى سپورتتىڭ دامۋى، جارىستاردى وتكىزۋ دەڭگەيى، بەلسەندىلىگى، حالىقارالىق ارەناداعى بەدەلى جانە سپورتتىق ناتيجەلەرى. تەننيس فەدەراسياسى بارلىق تالاپتار بويىنشا ۇزدىك شىقتى.
پاراليمپيادالىق سپورت تۇرلەرى بويىنشا ۇزدىك سپورتشى اتاعى پاۋەرليفتينگتەن توكيو-2020 پاراليمپيادالىق ويىندارىنىڭ جەڭىمپازى داۆيد دەگتياروۆقا بەرىلدى. پاراليمپيادالىق سپورت تۇرلەرى بويىنشا ۇزدىك جاتتىقتىرۋشى اتاعىنا پارادزيۋدودان قازاقستان كومانداسىنىڭ باس باپكەرى جاندوس قيانوۆ لايىق دەپ تانىلدى. ونىڭ ءۇش شاكىرتى – ءانۋار سارييەۆ، داۋلەت تەمىرجانوۆ جانە زارينا بايباتينا توكيو-2020 پاراليمپيادا ويىندارىندا ءۇش كۇمىس مەدال جەڭىپ العان.
جىلدىڭ سپورت وقيعاسىن قورىتىندىلاعان كەشتە قازاقستاندىق اتلەتتەردى بارلىق جاتتىعۋ جيىندارى مەن جارىستارعا باستاپ اپاراتىن كەشەندى-عىلىمي توپ مۇشەلەرى دە ەسكەرۋسىز قالعان جوق.
«سپورتتىق مەديسينا بويىنشا ۇزدىك مامان» اتاعى دارىگەر ازامات نۇرماتوۆقا بەرىلدى. ول توكيو-2020 وليمپيادا ويىندارىندا مەديسينالىق شتابتىڭ باس دارىگەرى رەتىندە جۇمىس ىستەدى، سونداي-اق، وليمپياداعا دايىندىق كەزىندە سپورتشىلاردىڭ قاۋىپسىزدىگىن ساقتاۋ جونىندەگى توپتىڭ قۇرامىندا بولدى. ەڭ الدىمەن، كعت ماماندارى مەن ۇوك ارنايى جەدەل شتابىنىڭ بىرلەسكەن جۇمىسىنىڭ ناتيجەسىندە قازاقستان كومانداسى تولىق قۇراممەن وليمپياداعا بارىپ كەلدى.
ۇلتتىق وليمپيادالىق كوميتەتتىڭ ارنايى ءداستۇرلى جۇلدەسى – «قازاقستان سپورتىنىڭ ماقتانىشى» وتاندىق سپورتتىڭ دامۋىنا ولشەۋسىز ۇلەس قوسىپ، بولاشاق چەمپيوندارعا ۇلگى اتانعان سپورتشىلار مەن قايراتكەرلەرگە تابىستالادى. بيىل بۇل جۇلدە گرەك-ريم كۇرەسىنەن وليمپيادا چەمپيونى، 1981 جىلعى الەم چەمپيونى، كسرو-عا ەڭبەك سىڭىرگەن سپورت شەبەرى جانە قازاق كسر-نڭى ەڭبەك سىڭىرگەن جاتتىقتىرۋشىسى جاقسىلىق ۇشكەمپىروۆكە بەرىلدى. جۇلدەنى داڭقتى قازاق بالۋانىنىڭ ۇلى، بۇگىندە اكەسىنىڭ اتىنداعى سپورتتىق كەشەندى باسقارىپ وتىرعان جاندوس ۇشكەمپىروۆ الدى.
ادەتتەگىدەي، جۇلدەنى تابىستاۋ ءراسىمى تانىمال سپورتشىلار مەن داڭقتى سپورت ارداگەرلەرىنە، قازاقستاننىڭ تانىمال مەملەكەت جانە قوعام قايراتكەرلەرىنە بەرىلدى. ساحناعا ولگا رىپاكوۆا، دميتريي بالاندين، سەرىك ساپييەۆ، يۋريي مەلنيچەنكو، ولگا شيشيگينا، ءاليا يۋسۋپوۆا كوتەرىلدى. ولارمەن بىرگە جۇلدەنى ارحيتەكتور، قازاقستاننىڭ مەملەكەتتىك ەلتاڭباسىنىڭ اۆتورى جانداربەك مالىبەكوۆ، QazVac ۆاكسيناسىن جاساۋشى، «بيولوگيالىق قاۋىپسىزدىك ماسەلەلەرى بويىنشا عىلىمي-زەرتتەۋ ينستيتۋتىنىڭ» باس ديرەكتورى كۇنسۇلۋ زاكاريا، اكتريسا، كانن كينوفەستيۆالىنىڭ جۇلدەگەرى سامال ەسلياموۆالار تابىستادى.
رەسمي ماراپاتتاۋ ءراسىمى اياقتالعان سوڭ كەش كونسەرتتىك باعدارلاماعا ۇلاستى. «Ninety One» توبى، مارحابا ءسابي، مارسەل، ءمادي سىزدىقوۆ جانە ساكەن مايعازييەۆپەن ءبىر ساحنادا اتلەتتەرىمىز دە ونەر كورسەتتى. دزيۋدودان قازاقستان كومانداسىنىڭ كوشباسشىسى ەلدوس سمەتوۆ ساكەن مايعازييەۆپەن دۋەت ايتسا، سپورت ارداگەرى، سۋ دوبىنان وليمپيادا چەمپيونى سەرگەي كوتەنكوۆ جانە باتۋتتاعى گيمناستيكادان كوماندا ۇزدىگى پيرمامماد الييەۆ ءانشى مارسەلمەن بىرگە «منە س دەتستۆا سنيلاس ۆىسوتا» ءانىن ورىندادى.