اقوردا قازاقستان رەسپۋبليكاسى پرەزيدەنتىنىڭ 2021 جىلعى 6 جەلتوقسانداعى N709 «قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى 2021 جىلعى مەملەكەتتىك سىيلىعىن بەرۋ تۋرالى» جارلىعىنا كوممەنتاريىن جاريالادى.
قازاقستان رەسپۋبليكاسىنىڭ پرەزيدەنتى 2021 جىلعى 6 جەلتوقساندا «قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى 2021 جىلعى مەملەكەتتىك سىيلىعىن بەرۋ تۋرالى» جارلىققا قول قويدى.
قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعىن بەرۋ جونىندەگى كوميسسيانىڭ شەشىمىن قاراستىرىپ، قازاقستان رەسپۋبليكاسىنىڭ پرەزيدەنتى قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى 2021 جىلعى مەملەكەتتىك سىيلىعىن ەكى جۇمىسقا بەرۋگە قاۋلى ەتتى.
«ميكروبيولوگيا جانە ۆيرۋسولوگيا عىلىمي-وندىرىستىك ورتالىعى» جاۋاپكەرشىلىگى شەكتەۋلى سەرىكتەستىگى ۇسىنعان «روزەوفۋنگين-اس» وتاندىق جاڭا ءتۇپنۇسقالىق دارىلىك پرەپاراتتى ازىرلەۋ جانە ونىڭ ءوندىرىسىن ۇيىمداستىرۋ» تاقىرىبىنداعى جۇمىس ءۇشىن قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى بيولوگيا عىلىمدارىنىڭ دوكتورى، پروفەسسور، اكادەميك امانكەلدى قۇربان ۇلى سادانوۆ باس ديرەكتور بولىپ تابىلاتىن اۆتورلىق ۇجىمعا بەرىلدى. اۆتورلىق ۇجىم قۇرامى: باس عىلىمي قىزمەتكەر، بيولوگيا عىلىمدارىنىڭ كانديداتى اسيا سۇلتان قىزى بالعىمبايەۆا؛ ۆيرۋسولوگيا ءبولىمىنىڭ جەتەكشىسى، قازاقستان رەسپۋبليكاسى ۇلتتىق عىلىم اكادەمياسىنىڭ كوررەسپوندەنت مۇشەسى، بيولوگيا عىلىمدارىنىڭ دوكتورى، پروفەسسور ۆلاديمير ەلەازاروۆيچ بەرەزين؛ باس عىلىمي قىزمەتكەر، مەديسينا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى ءىلياس رايحان ۇلى قۇلماعامبەتوۆ؛ باس عىلىمي قىزمەتكەر، بيولوگيا عىلىمدارىنىڭ كانديداتى ليۋدميلا پەتروۆنا ترەنوجنيكوۆا؛ «ءال-فارابي اتىنداعى قازاق ۇلتتىق ۋنيۆەرسيتەتى» كوممەرسيالىق ەمەس اكسيونەرلىك قوعامىنىڭ بيولوگيا جانە بيوتەحنولوگيا فاكۋلتەتى دوسەنتىنىڭ مىندەتىن اتقارۋشى، بيولوگيا عىلىمدارىنىڭ كانديداتى گۇلنار داۋلەتباي قىزى ۇلتانبەكوۆا.
سونىمەن قاتار قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى قازاقستان رەسپۋبليكاسىنىڭ ءبىلىم جانە عىلىم مينيسترلىگى عىلىم كوميتەتىنىڭ «بيولوگيالىق قاۋىپسىزدىك پروبلەمالارىنىڭ عىلىمي-زەرتتەۋ ينستيتۋتى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى ۇسىنعان «قازاقستان رەسپۋبليكاسىنىڭ بيولوگيالىق قاۋىپسىزدىگىن قامتاماسىز ەتۋ: وزىق عىلىمي تەحنولوگيالار جانە ءوندىرىس» تاقىرىبىنداعى جۇمىستار سيكلى ءۇشىن بيولوگيا عىلىمدارىنىڭ دوكتورى، پروفەسسور، جاراتىلىستانۋ عىلىمدارى اكادەمياسىنىڭ تولىق مۇشەسى كۇنسۇلۋ زاكاريا باس ديرەكتور بولىپ تابىلاتىن اۆتورلىق ۇجىمعا بەرىلدى. اۆتورلىق ۇجىم قۇرامى: باس ديرەكتوردىڭ عىلىم جانە كوممەرسيالاندىرۋ جونىندەگى ورىنباسارى، ۆەتەريناريا عىلىمدارىنىڭ دوكتورى، پروفەسسور ەرعالي ورىنباسار ۇلى ءابدىرايىموۆ؛ باس ديرەكتوردىڭ وندىرىستىك قىزمەت جونىندەگى ورىنباسارى، ۆەتەريناريا عىلىمدارىنىڭ كانديداتى، پروفەسسور مارحابات مەلىسبەك ۇلى قاسەنوۆ؛ زەرتحانا مەڭگەرۋشىسى، ۆەتەريناريا عىلىمدارىنىڭ دوكتورى، پروفەسسور لەسبەك بەكبولات ۇلى قۇتىمبەتوۆ؛ زەرتحانا مەڭگەرۋشىسى، ۆەتەريناريا عىلىمدارىنىڭ كانديداتى، پروفەسسور، ۇلتتىق عىلىم اكادەمياسىنىڭ كوررەسپوندەنت مۇشەسى مۇحيت بارماق ۇلى ورىنبايەۆ؛ زەرتحانا مەڭگەرۋشىسى، بيولوگيا عىلىمدارىنىڭ كانديداتى، پروفەسسور كۇلايسان تۇرلىباي قىزى سۇلتانقۇلوۆا؛ باس عىلىمي قىزمەتكەر، ۆەتەريناريا عىلىمدارىنىڭ كانديداتى، پروفەسسور بەرىك مۇحيت ۇلى حايرۋللين.
قازاقستان رەسپۋبليكاسىنىڭ ءال-فارابي اتىنداعى عىلىم مەن تەحنيكا سالاسىنداعى مەملەكەتتىك سىيلىعى قازاقستان رەسپۋبليكاسىنىڭ ازاماتتارىنا تەحنيكانىڭ، ماتەريالداردىڭ جانە تەحنولوگيالاردىڭ الەمدىك انالوگتار دەڭگەيىندەگى نەمەسە ودان جوعارى جاڭا تۇرلەرىن ازىرلەگەنى جانە ءوندىرىستى ۇيىمداستىرعانى ءۇشىن؛ ەكونوميكانىڭ ءتۇرلى سالالارىندا ەكونوميكالىق جانە (نەمەسە) الەۋمەتتىك اسەردى قامتاماسىز ەتەتىن مۇلدەم جاڭا بۇيىمدار، تەحنولوگيالىق پروسەسستەر ازىرلەگەنى جانە جاساعانى ءۇشىن بەرىلەدى.