2021 جىلدىڭ سوڭىندا بىرنەشە سپورتتىق ساۋىقتىرۋ كەشەنىنىڭ قۇرىلىسى اياقتالادى
ەلورداداعى «ەكسپو» كونگرەسس-ورتالىعىندا «Altyn Samǵaý-2021» ۇلتتىق سپورتتىق جۇلدەسىن تابىستاۋ ءراسىمى ءوتتى.
ۇلتتىق وليمپيادالىق كوميتەتتىڭ ۇيىمداستىرۋىمەن وتكەن ءىس-شارادا «ەلىمىزدىڭ ەڭ ۇزدىك سپورتتىق ايماعى» دا انىقتالدى، دەپ حابارلايدى Olympic.kz.
بۇل اتالىم بويىنشا الماتى قالالىق دەنە شىنىقتىرۋ جانە سپورت باسقارماسى ۇزدىك دەپ تانىلدى.
ايتا كەتەلىك، قالادا 3611 سپورتتىق نىسان جۇمىس ىستەپ تۇر. سوڭعى جىلدا 212 ارەنا قولدانىسقا بەرىلگەن.
سونداي-اق، 2021 جىلدىڭ سوڭىندا بىرنەشە سپورتتىق ساۋىقتىرۋ كەشەنىنىڭ قۇرىلىسى اياقتالادى.
قازىرگى تاڭدا الماتى قالاسىنىڭ 1033 سپورتشىسى قازاقستان ۇلتتىق قۇراما كوماندالارىنىڭ قاتارىنا ەنىپ، ازيا، الەم چەمپيوناتتارى مەن وزگە دە رەسپۋبليكالىق جانە حالىقارالىق تۋرنيرلەردە جوعارى ناتيجە كورسەتىپ ءجۇر.