«التىن قور» ونلاين تۇردە قولجەتىمدى

وتاندىق تەلەراديو مۇرانى سيفرلاندىرۋ. ارنايى "التىن قور" مەدياپورتالى ىسكە قوسىلدى

قازاقستان تاۋەلسىزدىگىنىڭ 30 جىلدىعىنا وراي ق ر اقپارات جانە قوعامدىق دامۋ مينيسترلىگىنىڭ  قولداۋىمەن «قازاقستان» تەلەراديوكورپوراسياسىنىڭ مادەني مۇرانى  سيفرلاندىرۋ باعىتىنداعى بىرەگەي جوباسى altynqor.com  مەدياپورتالى ىسكە قوسىلدى.

سايتتا قازاق تەليەۆيزياسى التىن قورىنداعى 1930 جىلداردان بەرگى بەينە- جانە اۋديوماتەريالدار، سونداي-اق تاۋەلسىزدىكتىڭ  جولىنداعى ايتۋلى تاريحي وقيعالار توپتاستىرىلعان.

سايت قاراپايىم كورەرمەننەن بولەك، زەرتتەۋشى عالىمدار ءۇشىن اشىق دەرەككوز رەتىندە پايدالانۋعا مۇمكىندىك بەرەدى.

مەدياپورتال «بەينەقور»، «اۋديوقور»، «تۇلعالار» جانە  «فوتوارحيۆ» بولىمدەرىنەن تۇرادى. ءار بولىمدە تەليەۆيزيا جانە راديو ارداگەرلەرىنىڭ، قازاق ادەبيەتى مەن مادەنيەتى قايراتكەرلەرىنىڭ سۇحباتتارى، ەستەلىكتەرى، جەكە ءارحيۆى توپتاستىرىلدى.

ەلباسى ن.ا.نازاربايەۆتىڭ «رۋحاني جاڭعىرۋ» باستاماسىن جۇزەگە اسىرۋ ماقساتىندا سايتقا باتىرلار جىرىنىڭ 50 نۇسقاسى، 100 كۇي، 100 ەرتەگى نۇسقاسى، «سىڭسۋ»، "بەسىك جىرى"، «جار-جار»، «بەتاشار»، «جاراپازان»، جوقتاۋ» جيناقتالدى.

«بەينەقور» بولىمىندە س.اشىمبايەۆ، ش.مۇرتازا، س.ورازالين جۇرگىزگەن «پارىز بەن قارىز»، «ۇلت جانە سانا»، «سۇحبات» باعدارلامالارىمەن قاتار، ءار جىلدارداعى «تاماشا»، «حالىق قازىناسى»، «اسىل مۇرا»، «ادام ىزدەپ ءجۇرمىن»، «كەلەسى ايالداما»، «كەش جارىق»، «كۇلتوبە» سىندى 800-دەن استام بولىمنەن تۇراتىن 50 تەلەحابارلار سيكلى،  «سوۆەتتىك قازاقستان» كينوجۋرنالى مەن «قازاقتەلەفيلم» وندىرىستىك بىرلەستىگىنىڭ جوبالارى بار.

«تۇلعالار» بولىمىندە ك.ازىربايەۆ، م.اۋەزوۆ، س.مۇقانوۆ، ع.مۇسىرەپوۆ، ع.مۇستافين، ءا.تاجىبايەۆ، ش.جيەنقۇلوۆا، ك. بايسەيىتوۆا، ش.ايمانوۆ، ش.ايتماتوۆ، ق.مىرزا ءالى سىندى تۇلعالاردىڭ قاتىسۋىمەن ءار جىلدارى تۇسىرىلگەن بەينەتوپتامالار قامتىلدى.

«اۋديوقور» بولىمىنە 1954 جىلدان بەرگى ساقتالعان م.اۋەزوۆ، س.مۇقانوۆ، ءى.ەسەنبەرلين، ب.سوقپاقبايەۆ، ع.مۇسىرەپوۆ سىندى 100 ۇلت قايراتكەرىنىڭ ءار جىلدارى جازىلىپ الىنعان داۋىستارى بار.

بۇگىندە «التىن قوردا» 110 مىڭنان استام بەينە- جانە اۋديوماتەريال بولسا، ونىڭ قاتارى جىل سايىن 1000 ماتەريالمەن تولىقتىرىلىپ وتىرادى. سوندىقتان سايتتى تولتىرۋ  ءىسى دە تۇراقتى تۇردە جالعاسادى.