قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ ر. ب. سۇلەيمەنوۆ اتىنداعى شىعىستانۋ ينستيتۋتى، يسلام ىنتىماقتاستىعى ۇيىمى (OIC) جانىنداعى يسلام تاريحى، ونەرى مەن مادەنيەتىن زەرتتەۋ ورتالىعى (IRCICA) جانە اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسى بىرلەسىپ، 2024 جىلعى 18 قىركۇيەكتە «التىن وردا جانە ونىڭ مۇراگەرلەرىنىڭ ارابجازۋلى ەپيگرافيكاسى» تاقىرىبىندا حالىقارالىق عىلىمي سەمينار وتكىزەدى.
بۇل ماڭىزدى ءىس-شارا «التىن وردادان كەيىنگى قوعامنىڭ ءداستۇرى مەن مادەنيەتىندەگى ساباقتاستىق پەن وزگەرىستەر (باتىس قازاقستان، ەدىل-ورال، داعىستان، حورەزم ايماقتارىنداعى ەپيگرافيكالىق ەسكەرتكىشتەردى سالىستىرمالى زەرتتەۋ)» جوباسىن جۇزەگە اسىرۋدىڭ نەگىزگى ءبىر بولىگى بولىپ تابىلادى.
سەمينار بارىسىندا تالقىلاناتىن تاقىرىپتار:
- التىن وردا وركەنيەتى ورنالاسقان تاريحي ايماقتاردىڭ ەپيگرافيكاسى: جاڭا ولجالار جانە ولاردىڭ ينتەرپرەتاسياسى؛
- قازاقستاننىڭ ەپيگرافيكالىق ەسكەرتكىشتەرىن كورشىلەس مەملەكەتتەردەگى ارابجازۋلى جادىگەرلەرمەن سالعاستىرمالى-سالىستىرمالى زەرتتەۋ؛
- التىن وردا وركەنيەتى تاريحي ايماقتارىنىڭ دامۋى جانە مادەني داستۇرلەردىڭ تۇراقتى تۇرلەرىنىڭ قالىپتاسۋى.
سەمينار قازاق، ورىس، اعىلشىن تىلدەرىندە وتەدى.
سەمينار بارىسىندا تانىستىرىلاتىن كىتاپتار:
- ءمۇمينوۆ ءا.ق.، دۇيسەنوۆ ب.د. «ابات-بايتاق» قورىمىنىڭ ارابجازۋلى ەپيگرافيكالىق ەسكەرتكىشتەرى» – كىتاپ-البوم. الماتى: التىن پاراق، 2023. – 496 ب. + «ابات-بايتاق» قورىمى ءفيلمىنىڭ ديسكىسى.
- ءماشھۇر ءجۇسىپ كوپەي ۇلى. «ريسالا-يي جاناييز (جانازا كىتابى)» – الماتى: التىن پاراق، 2024. – 260 بەت.
قاتىسۋ ءۇشىن وتىنىشتەر:
قاتىسۋعا نيەتتى عالىمداردى 2024 جىلدىڭ 31 تامىزىنا دەيىن باياندامالارى مەن ءوتىنىش-حاتتارىن كەلەسى ەلەكتروندىق مەكەنجايلارعا جىبەرۋلەرىڭىزدى سۇرايمىز:
kz.orientalstudies.2024@gmail.com
shighistanu@mail.ru
ءوتىنىم نىسانى:
- قاتىسۋشىنىڭ تەگى، اتى، اكەسىنىڭ اتى.
- قاتىسۋشىنىڭ جۇمىس ورنى، لاۋازىمى، عىلىمي دارەجەسى مەن اتاعى.
- بايلانىس تەلەفوندارى، e-mail ادرەسى.
- باياندامانىڭ اتاۋى.
ۇيىمداستىرۋ كوميتەتىنىڭ بايلانىستارى:
مەكەنجاي: 050010، الماتى ق.، قۇرمانعازى ك-سى، 29، ر.ب. سۇلەيمەنوۆ اتىنداعى شىعىستانۋ ينستيتۋتى.
انىقتاما تەلەفوندارى:
+7 707 157-95-71 – مەدەروۆا دينا ەسيركەپوۆنا
+7 701 697-96-90 – كۋرمانبايەۆا كۋرالاي سماگۋلوۆنا
ماقالا رەسىمدەۋ تالاپتارى:
- ماقالا اتاۋى مەن اۆتور تۋرالى مالىمەتتەر ماقالا جازىلعان تىلدە جانە اعىلشىن تىلىندە بەرىلەدى.
- ماقالا اتاۋى جانە ءتۇيىنى اعىلشىن تىلىندە شامامەن 200 سوزبەن بەرىلۋى كەرەك.
- ادەبيەتتەر مەن دەرەككوزدەر ءتىزىمى نومىرلەنىپ، ماقالانىڭ سوڭىندا كورسەتىلەدى. ماتىندەگى سىلتەمەلەر تىك جاقشادا بەرىلەدى [1: 245].