«قازاقستان رەسپۋبليكاسىنىڭ ۇلتتىق بانكى» رمۋ الماتى قالالىق فيليالى 2024 جىلعى 28 تامىزدا «قازاقستاندى مونەتالار ارقىلى تانى» سەرياسىنان WORLD PAINTING كوللەكسيالىق مونەتاسىنىڭ ساتىلۋى تۋرالى حابارلايدى.
«قازاقستاندى مونەتالار ارقىلى تانى» سەرياسىنان WORLD PAINTING كوللەكسيالىق مونەتاسىن ساتۋ ۇلتتىق بانكتىڭ https://kazcoins.nationalbank.kz ينتەرنەت-دۇكەنى ارقىلى جۇزەگە اسىرىلادى، دەپ حابارلايدى aqshamnews.kz
WORLD PAINTING كوللەكسيالىق مونەتالارى تۋرالى:
قازاقستاننىڭ حالىقارالىق World Painting ارت-جوباسىنداعى فراگمەنتى – سەمەي پوليگونىندا يادرولىق سىناقتان زارداپ شەككەن سۋرەتشى كارىپبەك كۇيىكوۆتىڭ بەيبىتشىلىك قۇسى – كوگەرشىن سۋرەتى مەن ءابىلحان قاستەيەۆتىڭ نەمەرەسى، سۋرەتشى داۋرەن قاستەيەۆ سالعان ءزايتۇن اعاشىنىڭ بۇتاعى مونەتا ديزاينىنا نەگىز بولىپ وتىر.
WORLD PAINTING مونەتا جوباسى تۋرالى:
ادامزاتتى بىرىكتىرەتىن تۋىندى. حالىقارالىق الەۋمەتتىك ارت-جوبا – الەم ەلدەرى وكىلدەرىنىڭ قولىنان شىققان فراگمەنتتەر موزايكاسىنان تۇرادى. «الەم بەينەسى» ءبىر قىلقالامدى بىر-بىرىنە بەرۋ ارقىلى ەڭ كوپ ادام قاتىسقان ونەر تۋىندىسى رەتىندە گيننەس رەكوردىن ورناتتى.
ارت-جوباعا 200-دەي ەلدەن 2070 ادام بوياۋ ءىزىن قالدىردى. كەنەپتىڭ ۇزىندىعى – 4 مەتر، بيىكتىگى 1 مەتر 27 سانتيمەتر. بۇل – جەر شارىنىڭ كىشىرەيتىلگەن اۋقىمداعى پارامەترلەرى. «الەم بەينەسى» تۋىندىسىنىڭ كوشىرمەسى حالىقارالىق عارىش ستانسياسىن دا شارلاپ قايتتى.
ارت-وبەكت – پلانەتانىڭ بارلىق تۇرعىنى ۇلتىنا، ناسىلىنە، دىنىنە جانە تۇرعىلىقتى جەرىنە قاراماستان جەر بەتىندە ۇيلەسىمدىلىك پەن كەلىسىم ورناعان بەيبىت ءارى بەرەكەلى ءومىردى ارماندايتىنىنىڭ ايقىن دالەلى.
كەنەپتە ولجاس سۇلەيمەنوۆ، ديماش قۇدايبەرگەن، الەكساندر ۆينوكۋروۆ، تيمۋر بەكمامبەتوۆ، نيكوليا ساركوزي، روي دجونس، باي لينگ جانە باسقا دا تانىمال ادامدار ءوز بەلگىلەرىن قالدىردى.
مونەتالار:
- كۇمىستەن جاسالدى، سىناماسى – 925/1000. ءتۇرلى-تۇستى باسپا تەحنولوگياسى قولدانىلدى. مونەتا ماسساسى – 62،2 گرامم، ديامەترى – 50 مم، دايىنداۋ ساپاسى – proof، نومينالى – 2 000 تەڭگە. مونەتالاردىڭ تارالىمى – 300 دانا.
كۇمىس مونەتالاردىڭ بەينەسى
من 25 نەيزيلبەر قوسپاسىنان جاسالدى. ءتۇرلى-تۇستى باسپا تەحنولوگياسى قولدانىلدى. مونەتا ماسساسى – 15 گرامم، ديامەترى – 33 مم، دايىنداۋ ساپاسى – brilliant uncirculated، نومينالى – 200 تەڭگەلىك. مونەتالاردىڭ تارالىمى – 5 000 دانا.
مەلحيور مونەتالاردىڭ بەينەسى
كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانۋعا، سونداي-اق ەلدىڭ بارلىق بانكىندە بانك شوتتارىنا ەسەپكە الىنۋعا، اۋدارۋعا، ۇساقتالۋعا جانە ايىرباستالۋعا جاتادى.
كوللەكسيالىق مونەتالار قازاقستان تەڭگە سارايىندا دايىندالدى.
پايدالانۋشى ءۇشىن «قازاقستان مونەتالارى» ءموبيلدى قوسىمشاسى دا جۇمىس ىستەيتىنىن ەسكە سالا كەتەيىك. وندا مونەتالارعا قىسقاشا سيپاتتاما بەرىلىپ، سەريالار بويىنشا تاقىرىپتىق بولىمدەرگە بولىنگەن. ياعني، قۇب شىعاراتىن مونەتالار تۋرالى اقپارات تولىقتاي قامتىلعان. جەكەلەگەن مونەتالار بويىنشا بەينەروليكتەرگە، مونەتالاردىڭ 3D-سۋرەتتەرىنە، سونداي-اق تولىقتىرىلعان شىنايىلىق ەلەمەنتتەرىنە سىلتەمە بەرىلگەن.
ءموبيلدى قوسىمشانى PlayMarket پەن AppStore دۇكەندەرىنەن جۇكتەپ الۋعا بولادى