«Almaty Business – 2025»: «الماتى» اكك ەنشىلەس كومپانيالارى ارقىلى 36،3 ملرد. تەڭگەگە 656 جوبا قارجىلاندىرىلدى، دەپ حابارلايدى aqshamnews.kz
«Almaty Finance» ج ش س باسقارما ءتوراعاسىنىڭ ورىنباسارى جۇلدىز يگەنوۆتىڭ ايتۋىنشا، 2019 جىلدان بەرى «Almaty Business – 2025» كاسىپكەرلىكتى دامىتۋدىڭ وڭىرلىك باعدارلاماسى اياسىندا «الماتى» اكك - «Almaty Finance» ج ش س جانە «Almaty» مقۇ ج ش س ەنشىلەس كومپانيالارى ارقىلى 656 جوباعا 36،3 ملرد تەڭگە ءبولىنىپ، 2 716 جۇمىس ورنى قۇرىلدى.
بۇل باعدارلاما شاعىن جانە ورتا بيزنەستى 2% جانە 6% جىلدىق مولشەرلەمەمەن 7 جىلعا دەيىن جەڭىلدىكپەن نەسيەلەندىرۋ ارقىلى دامىتۋعا باعىتتالعان. باعدارلامانىڭ نەگىزگى باعىتتارى – ونەركاسىپتىك، يننوۆاسيالىق، ەكسپورتقا باعدارلانعان جوبالار، كرەاتيۆتى يندۋستريا، شاعىن ونەركاسىپ پاركتەرى، سونداي-اق الماتىداعى ارنايى ەكونوميكالىق جانە يندۋستريالىق ايماقتاردا جۇزەگە اسىرىلاتىن جوبالار.
جۇلدىز يگەنوۆ باعدارلامانىڭ باستى ماقساتى – بيزنەسكە قارجىلاندىرۋ مۇمكىندىگىن ارتتىرۋ ەكەنىن اتاپ ءوتتى. وسى ماقساتقا جەتۋ ءۇشىن «Almaty Finance» جانە ونىڭ ەنشىلەس كومپانياسى «الماتى» مقۇ ج ش س قۇرىلىپ، «الماتى» اكك كومپانيالار توبىنا ەندى.
«Almaty Finance» جانە «مقۇ الماتى» ارقىلى كاسىپكەرلەر 2% جانە 6% جىلدىق مولشەرلەمەمەن 7 جىلعا دەيىن نەسيەلەر الىپ، ءوز بيزنەستەرىن دامىتۋعا مۇمكىندىك الدى. 2024 جىلعا ارنالعان «Almaty Finance»-تەگى ەڭ جوعارى نەسيە سوماسى 500 ملن تەڭگەنى، ال «الماتى» مقۇ-دا 73 840 000 تەڭگەنى قۇرايدى»، – دەدى جۇلدىز يگەنوۆ.
الىنعان قاراجات كاسىپكەرلەرگە جابدىق ساتىپ الۋعا، شيكىزات الۋعا، اينالىم قاراجاتىن تولىقتىرۋعا جانە بيزنەستىڭ باسقا قاجەتتىلىكتەرىن قاناعاتتاندىرۋعا جۇمسالادى.
«Almaty Business – 2025» باعدارلاماسىنىڭ ارتىقشىلىقتارى:
- نەگىزگى باعىتتار مەن قالانىڭ 2025 جىلعا دەيىنگى دامۋ جوسپارى اياسىندا العا قويىلعان مىندەتتەرگە سايكەس تار شەڭبەردە قارجىلاندىرۋ؛
- ستارتاپ جوبالاردى نەسيەلەندىرۋ؛
- الەۋمەتتىك ءالسىز توپتارعا جاتاتىن كاسىپكەرلەرگە قولداۋ كورسەتۋ؛
- شاعىن ونەركاسىپ پاركتەرىن سالۋدى قارجىلاندىرۋ، ونەركاسىپتىك يپوتەكا؛
- قالانىڭ ەكولوگياسىن جاقسارتۋعا باعىتتالعان جوبالاردى قولداۋ.
2024 جىلدىڭ ءبىرىنشى جارتىجىلدىعىندا «Almaty Finance» جانە «الماتى» مقۇ الماتى قالاسىندا 4،5 ملرد تەڭگەگە 55 جوبانى قارجىلاندىرىپ، 348 جۇمىس ورنىن قۇردى. شاعىن ونەركاسىپتىك پاركتەر قۇرىلىسىن قارجىلاندىرۋدان باسقا، بيزنەستى دامىتۋعا ءوندىرىس جانە قايتا وڭدەۋ، دەنساۋلىق ساقتاۋ، ءبىلىم بەرۋ، سونداي-اق الەۋمەتتىك كاسىپكەرلىك، كرەاتيۆتى ەكونوميكا جانە تۋريزم سالالارىنداعى جوبالاردى ىسكە اسىراتىن كاسىپكەرلەر قارىزدار الدى. سونداي-اق، سپورت جانە حالىققا قىزمەت كورسەتۋ سالاسىنداعى جوبالار قارجىلاندىرۋمەن قامتاماسىز ەتىلدى.
«2019 جىلدان 2024 جىلدىڭ ءبىرىنشى جارتىجىلدىعىنا دەيىن «الماتى» اكك ەنشىلەس جانە تاۋەلدى كومپانيالارى ارقىلى «Almaty Business – 2025» باعدارلاماسى اياسىندا 36،3 ملرد تەڭگەگە 656 جوبا قارجىلاندىرىلىپ، 2 716 جۇمىس ورنى اشىلدى»، - دەپ تولىقتىردى ءسوزىن سپيكەر.
باسىم باعىتتاردىڭ ىشىنەن قارىزداردىڭ ەڭ كوپ سانى ءوندىرىس جانە قايتا وڭدەۋ، دەنساۋلىق ساقتاۋ جانە الەۋمەتتىك كاسىپكەرلىك جونىندەگى جوبالارعا، سونداي-اق تۋريزم، كرەاتيۆتى يندۋستريا جانە ءبىلىم بەرۋ سالالارىنداعى جوبالارعا ءبولىندى. بۇدان باسقا، شاعىن ونەركاسىپ پاركتەرىن سالۋ بويىنشا، سپورت سالاسىنداعى، ءشوپ رەزيدەنتتەرىن قولداۋ جانە قالا ەكولوگياسىن جاقسارتۋعا باعىتتالعان جوبالار قارجىلاندىرۋمەن قامتاماسىز ەتىلدى.
كاسىپكەرلەردى قولداۋعا بولىنگەن بيۋدجەتتەن 25،3 ملرد تەڭگە ققايتارىمدى-جاڭارتپالى قاراجاتتى پايدالانۋ ەسەبىنەن 36،3 ملرد تەڭگە سوماسىنا قارجىلاندىرۋدى قامتاماسىز ەتۋگە مۇمكىندىك بەردى.
جىل سوڭىنا دەيىن «الماتى» اكك «Almaty Finance» جانە «Almaty» مقۇ ارقىلى «Almaty Business – 2025» شەڭبەرىندە قارجىلاندىرۋدىڭ جالپى كولەمىن 42 ملرد تەڭگەگە دەيىن جەتكىزە وتىرىپ، 5،0 ملرد تەڭگە سوماسىنا تاعى دا جوبالاردى قولداۋدى جوسپارلاپ وتىر.