الماتى وبلىسىندا “التىن وردا” بازارىنىڭ ەكس-باسشىسى ەرمەك مارقابايەۆقا قاتىستى العاشقى سوت وتىرىسى كەيىنگە شەگەرىلدى. سەبەبى، كۇدىكتى ايىپتاۋ اكتىسىمەن تانىسپاعان، دەپ حابارلايدى almaty-akshamy.kz astanatv.kz سىلتەمە جاساپ.
رەسمي ورگاندار دەرەگىنشە، ەرمەك مارقابايەۆ جازدا “الماتى - بىشكەك” تاس جولىندا ەسىرتكىمەن ۇستالعان. ءبىراق قورعاۋشىسى مارقابايەۆتىڭ قالتاسىنا ەسىرتكى قاساقانا سالىنعان دەيدى. ايتۋىنشا، دالەل ۆيدەوجازبالار بار كورىنەدى. قاراساي اۋداندىق سوتى ىسكە قاتىستى سوت وتىرىسىن 6-شى قاراشاعا قالدىردى.
- پوليسيا قىزمەتكەرلەرىنىڭ ءىس ارەكەتىندە زاڭعا قايشىلىق كوپ. ايىپتاۋ اكتىسىن ءالى كۇنگە دەيىن مارقابايەۆتىڭ ءوزى نەمەسە قورعاۋشىلارى قولما-قول العان جوق. وتكەندە سوتقا دايىنداۋ كەزەڭىندە سۋديا پروكۋرورعا ايىپتاۋ اكتىسىن وزىنە نەمەسە قورعاۋشىلارىنا تاپسىرۋدى مىندەتتەگەن. ءبىراق قازىرگى تاڭعا دەيىن ءالى ايىپتاۋ اكتىسىن العان جوقپىز، قىلمىستىق ءىستىڭ ماتەريالدارىمەن تانىسقان جوقپىز. تەلەفونىن تارتىپ العان، ءمىنىپ جۇرگەن كولىگىن تارتىپ العان. سول كولىكتىڭ ىشىنەن 3 ملن تەڭگە كولەمىندە اقشاسىن بىرەۋ ۇرلاپ كەتكەن. سوعان كوڭىلىمىز تولماي تۇر، - دەيدى ە.مارقابايەۆتىڭ قورعاۋشىسى دينارا جۇباتوۆا
كۇدىكتىنىڭ ءوزى سوت وتىرىسىنا ونلاين قاتىستى. ونىڭ جاقىندارى ادىلدىك سۇراپ شىرىلداۋدا. سوزدەرىنشە، تەرگەۋ يزولياتورىندا جاتقان ەرمەك مارقابايەۆتىڭ دەنساۋلىعى كۇن سايىن ناشارلاپ بارادى.
- مەنىڭ اعام- كىناسىز. ونى ۇستاۋ بارىسىندا ەسىرتكىنى قالتاسىنا قاساقانا سالعانى - فاكت. ونى ۆيدەوعا ءتۇسىرىپ ۇلگەرگەن ايەلگە دە قىسىم كورسەتىلدى. ادىلدىك ورناسىن دەپ تالاپ ەتەمىز. اعامنىڭ قان قىسىمى جوعارى، اسقازانىندا جاراسى بار، تاماق اۋرۋىنىڭ اۋىر فورماسىمەن اۋىرادى. سوندىقتان ەڭ بولماعاندا ءۇي قاماققا جىبەرۋلەرىن سۇرايمىز، - دەيدى ە.مارقابايەۆتىڭ اپكەسى جىلدىز مارقابايەۆا