الماتى قالاسىنداعى «التىن وردا» بازارىنىڭ قىزمەتىن تەكسەرۋ بارىسىندا 1 ملرد 600 ملن تەڭگە كولەمىندەگى زاڭبۇزۋشىلىق تىركەلدى. بۇل تۋرالى ق ر ساۋدا جانە ينتەگراسيا مينيسترلىگى ساۋدا كوميتەتى ءتوراعاسىنىڭ ورىنباسارى ايدار ابىلدابەكوۆ ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«التىن وردا» - ەلىمىز بويىنشا عانا ەمەس، ورتالىق ازياداعى ەڭ ءىرى بازارلاردىڭ ءبىرى. اۋماعى - 28-29 گەكتار. وزدەرىڭىز بىلەتىندەي، مەملەكەت باسشىسىنىڭ تىكەلەي تاپسىرماسىنا سايكەس، باس پروكۋراتۋرا ەلىمىزدەگى ساۋدا ورىندارى مەن بازارلاردىڭ قىزمەتىن تەكسەرۋدى مىندەتتەدى. وسى ورايدا، بارلىق وڭىردە ارنايى توپ قۇرىلدى. ونىڭ قۇرامىنا جەرگىلىكتى اكىمدىك، سالىق، ساۋدا دەپارتامەنتى، باسەكەلەستىكتى قورعاۋ جانە دامۋ دەپارتامەنتى مەن باسقا دا قۇزىرلى ورگان وكىلدەرى كىردى. وسىلايشا «التىن وردا» بازارىنىڭ قىزمەتىن 70 ادامنان تۇراتىن توپ تەكسەردى. تەكسەرۋ بارىسىندا 1 ملرد 600 ملن تەڭگە كولەمىندەگى كەمشىلىك تابىلدى»، - دەدى ايدار ابىلدابەكوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، تەكسەرۋ قورىتىندىسى ءالى تولىق شىقپاعان.
«ايتار بولساق، كەيبىر نىساندار زاڭسىز سالىنعان. اتالعان بازاردى تەكسەرۋدىڭ تولىق قورىتىندىسى بىزگە ءالى كەلمەدى. ويتكەنى، جۇمىس اۋقىمدى. مەنىڭ ايتىپ وتىرعانىم - العاشقى دەرەكتەر»، - دەيدى ول.
مينيسترلىك وكىلى كەلتىرگەن ستاتيستيكاعا سايكەس، بۇگىندە ەلىمىزدە 761 بازار بار، ونىڭ 515-دە ازىق-تۇلىك ساتىلادى.