80 مىڭنان استام الماتىلىق كاسىپكەر سالىقتىق جەڭىلدىكتەردىڭ ارقاسىندا 85 ملرد. تەڭگە ۇنەمدەدى، دەپ حابارلايدى اlmaty-akshamy.kz.
«بارشاڭىزعا بەلگىلى، بيىل جەكە كاسىپكەرلەر ءۇشىن سالىقتىق «دەمالىستىڭ» ءۇشىنشى جىلى ءجۇرىپ جاتىر (2020 جىلدان 2022 جىلعا دەيىن شاعىن بيزنەس سۋبەكتىلەرى سالىق تولەۋدەن بوساتىلعان). وسى جىلدار ىشىندە ولاردى 80 مىڭنان استام كاسىپكەر پايدالانىپ، تولەنبەگەن سالىقتاردان شامامەن 85 ملرد. تەڭگە ۇنەمدەدى. قاراجاتتى ءوز بيزنەسىن دامىتۋعا، جاڭا جۇمىس ورىندارىن قۇرۋعا باعىتتاپ، جالدامالى قىزمەتكەرلەردىڭ جالاقىسىن كوتەردى»، - دەيدى الماتى قالاسى بويىنشا مەملەكەتتىك كىرىستەر دەپارتامەنتىنىڭ باسشىسى قانات باەدىلوۆ.
ءقازىر قالادا جۇمىس ىستەيتىن زاڭدى جانە جەكە كاسىپكەرلەردىڭ سانى 306 مىڭنان اسادى. سالىق ءتۇسىمىنىڭ نەگىزگى ۇلەسى نەمەسە 47%-ى - ساۋدا، 13%-ى - قارجى سەكتورىنا تيەسىلى جانە 8%-ى - كولىك پەن قويما سالاسىندا. رەسپۋبليكالىق بيۋدجەتكە تۇسەتىن بارلىق تۇسىمدەردىڭ 74%-ى - كورپوراتيۆتىك تابىس سالىعى مەن قوسىلعان قۇن سالىعىنا تيەسىلى.