"التىن وردا" بازارى نە سەبەپتى تاراتىلدى؟

بۇل كومپانيا سالىق تولەمەگەن.

قاراساي اۋدانى مەملەكەتتىك كىرىستەر باسقارماسىنىڭ وكىلى «التىن وردا بازارى» ءجشس-نىڭ نەگە تاراتىلعانىن ءتۇسىندىردى، دەپ حابارلادى Almaty-akshamy.kz Turkystan.kz cايتىنا سىلتەمە جاساپ. 

بۇعان دەيىن باق-تا "التىن وردا" بازارى قاراساي اۋدانى سالىق دەپارتامەنتىنىڭ ارىزى بويىنشا الماتى وبلىسىنىڭ اۋدانارالىق ەكونوميكالىق سوتى شەشىمىمەن تاراتىلعانى تۋرالى اقپارات تاراعان بولاتىن. مەملەكەتتىك كىرىستەر باسقارماسى باسشىسىنىڭ ورىنباسارى اناربەك سەيىتوۆ ج ش س تاراتىلعانىن، سەبەبى كومپانيا ەشقانداي ارەكەت ەتپەگەنىن ايتتى.

«سالىق كودەكسىنىڭ 93-بابىنا سايكەس، «التىن وردا بازارى» ج ش س ءماجبۇرلى تۇردە تاراتىلۋى ءتيىس ەدى. ج ش س ەسەپ بەرمەگەن، ەكسپورت-يمپورت وپەراسيالارىن جۇرگىزبەگەن. سوندىقتان سوتقا بەردىك. بارلىعى جۇمىس ىستەپ تۇرعان "التىن وردا" بازارى دەپ ويلادى. ءىس جۇزىندە ونىڭ مەنشىك يەلەرى – باسقا ج ش س. باق-تان وقىدىم، ءبىراق، بۇل – جاي عانا اتاۋ. 93-باپ بويىنشا ولار سوتقا ءماجبۇرلى تاراتۋ تۋرالى ءوتىنىش بەردى، شەشىم شىقتى. بازار جۇمىس ىستەيدى، وندا باسقا دا كاسىپورىندار بار. بازارعا KURYLYS LTD ج ش س جانە Altyn Orda Qaz Trade Ltd ج ش س يەلىك ەتەدى. «التىن وردا بازارى» ج ش س بۇرىن بازاردى باسقارعان، ونىڭ قۇرىلتايشىلارى 2000 جىلداردىڭ باسىندا بازار يەلەرى بولعان. كومپانيا 3 جىلدان استام ۋاقىت جۇمىس ىستەپ كەلەدى»، – دەدى اناربەك سەيىتوۆ. 

سونداي-اق ول جىل سايىن باسقارما سالىق ەسەبىن ۇسىنبايتىن، سالىق تولەمدەرىن، يمپورت، ەكسپورت وپەراسيالارىن جۇزەگە اسىرمايتىن كومپانيالار ءتىزىمىن جينايتىنىن ايتتى. ەگەر كومپانيا تالاپ قويۋ مەرزىمى بويىنشا، ياعني 3 جىلدان اسا ەسەپ بەرمەسە، ءماجبۇرلى تۇردە تاراتىلادى.