قازاقستاندىق دومبىراشىلار حالىقارالىق بايقاۋدان جۇلدەلى ورالدى

قازاقستاندىق دارىندار الەم ساحنالارىن باعىندىرۋدا

دومبىراشىلار تەمىرلان ولجاباي مەن ەرنات ناۋرىز يسپانيادا وتكەن «Music Box» حالىقارالىق بايقاۋىندا ۇزدىكتەر قاتارىنان كورىندى. جەرلەستەرىمىز «اسپاپتىق مۋزىكا» نوميناسياسىندا جەڭىسكە جەتتى، دەپ حابارلايدى Almaty-akshamy.kz 

بۇل توپتا 36 ەلدىڭ ونەرپازدارى باپ پەن ب ا ق سىناسىپ كوردى. قازاقستاندىقتار ءبىرىنشى كەزەڭدە نيككولو پاگانينيدىڭ «كاپريس №24» تۋىندىسىن اۆتورلىق وڭدەۋدە ورىنداپ، تورەشىلەردى تاڭعالدىردى. ال ەكىنشى تۋردا دومبىراشىلار «تاقتار ويىنى» تەلەحيكاياسىنىڭ ساۋندترەگىن ورىنداپ، كونكۋرستىق بەينەروليك ءتۇسىردى. ءسويتىپ قاتىسۋشىلار اراسىندا ەڭ جوعارى ۇپايعا يە بولدى.

مۋزىكانتتار مامىر ايىندا يسپانيادا وتەتىن وفلاين فەستيۆالگە جولداما مەن بەلگىلى مۋزىكا ساراپشىلارىنىڭ شەبەرلىك ساباعىنا جەكە قاتىسۋ مۇمكىندىگىنە يە بولدى.

ەسكە سالساق، تەمىرلان ولجاباي مەن ەرنات ناۋرىز بۇعان دەيىن «ۇزدىك اسپاپتىق دۋەت» نوميناسياسى بويىنشا «Bridge TV» جۇلدەسىنە يە بولىپ، «Golden Time Talent» حالىقارالىق فەستيۆالىندە ءبىرىنشى ورىندى جەڭىپ العان، سونىمەن قاتار يسپانيادا وتكەن «Costa Brava Music» فەستيۆالىنە قاتىسقان.