ءونىمنىڭ حالال ەكەنىن انىقتاۋعا ارنالعان قوسىمشا ىسكە قوسىلدى

قوسىمشانى App Store، Play market ارقىلى جۇكتەپ الۋعا بولادى

ءونىمنىڭ حالال ەكەنىن جىلدام انىقتاۋعا ارنالعان Halal Guide ءموبيلدى قوسىمشاسى ىسكە قوسىلدى، دەپ حابارلايدى Almaty-akshamy.kz قمدب باسپا ءسوز قىزمەتىنە سىلتەمە جاساپ.

قوسىمشانىڭ نەگىزگى قىزمەتى – «QMDB Halal» ونىمدەردى ىزدەۋ فۋنكسياسىن قولجەتىمدى ەتۋ. Halal Guide قوسىمشاسىندا كورسەتىلگەن بارلىق دەرەكتەر halaldamu.kz سايتىندا كورسەتىلگەن رەسمي اقپاراتتار نەگىزىندە جاسالعان جانە ءاردايىم جاڭارتىلىپ وتىرادى. كاسىبي مامانداردىڭ ۇزاقمەرزىمدى ىزدەنىسى ناتيجەسىندە دايىندالعان قوسىمشاسىنىڭ بىرنەشە ارتىقشىلىعى بار:

- كەز-كەلگەن ءونىم نە كاسىپورىننىڭ «حالال دامۋدان» سەرتيفيكاتتاۋدان وتكەن-وتپەگەنىن جىلدام تەكسەرۋگە مۇمكىندىك بەرەدى؛

- ءونىم قاپتاماسىندا كورسەتىلگەن «ە تاعامدىق قوسپالاردىڭ» رۇقسات ەتىلگەن، رۇقسات ەتىلمەگەن، كۇماندى تۇرلەرىن لەزدە انىقتاۋعا بولادى.

- حالال تاماقتانۋ ورنى، ەت دۇكەنى سەكىلدى كەز-كەلگەن سەرتيفيكاتتالعان كاسىپورىن مەكەن-جايى 2Gis كارتاسى ارقىلى كورسەتىلەدى.

قوسىمشانى App Store، Play market ارقىلى جۇكتەپ الۋعا بولادى.