جولدى رەكونسترۋكسيالاۋ جۇمىستارى اياقتالۋعا جاقىن
ق ر يندۋستريا جانە ينفراقۇرىلىمدىق دامۋ ۆيسە-مينيسترى بەرىك كامالييەۆ الماتىعا ءىسساپارى بارىسىندا «التىن وردا» بازارى ماڭىنداعى اۆتوجول ۋچاسكەسىن رەكونسترۋكسيالاۋ جۇمىسىمەن تانىستى.
«الماتى قالاسىنداعى «التىن وردا» بازارى اۋدانىنداعى اۆتوجول ۋچاسكەسىن رەكونسترۋكسيالاۋ جۇمىستارىن الدىڭعى مەردىگەر كومپانيا قارقىندى تۇردە جۇرگىزە الماعان سوڭ، ونى جۇمىستان شەتتەتىپ، باسقا مەردىگەر كومپانيا، ياعني، «سينە ميداس ستروي» كومپانياسىمەن كەلىسىمشارت جاساستىق. ءقازىر وسى كومپانيا جۇمىس جۇرگىزۋدە. كورىپ تۇرسىزدار، كولىك جولايرىعىنداعى جۇمىستىڭ 90% ءبىتتى. قازان ايىنىڭ سوڭىنا دەيىن جۇمىس تولىق اياقتالادى. ياعني، قاراشا ايىنىڭ باسىندا پايدالانۋعا بەرىلەدى»، - دەدى بەرىك كامالييەۆ.
ونىڭ ايتۋىنشا، رەكونسترۋكسيا بارىسىندا كولىك جولىنىڭ ساپاسىنا ەشقانداي زاقىم كەلمەيدى. وبلىستىق جول زەرتتحاناسى جول ساپاسىن ۇنەمى قاداعالاپ، تەكسەرىپ وتىرادى. سونىمەن بىرگە، قازىرگى ۋاقىتتا وسى جەردەگى ەستاكادانىڭ قۇرىلىسى جەدەل قارقىنمەن ءجۇرىپ جاتىر.