اقش-تا حالىقتىڭ جەكەلەگەن ساناتتارى ءۇشىن مىندەتتى يممۋنداۋ رەجيمى ەنگىزىلۋدە.
امەريكا قۇراما شتاتتارىندا حالىقتىڭ جەكەلەگەن ساناتتارى ءۇشىن مىندەتتى يممۋنداۋ رەجيمى ەنگىزىلۋدە، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
اقش پرەزيدەنتى دجوزەف بايدەن COVID-19 ۆاكسيناسياسىنىڭ جاڭا جوسپارىن ماقۇلدادى. اقش پرەزيدەنتى وتە جۇقپالى «دەلتا» شتامىنىڭ تارالۋى ۇزاققا سوزىلۋى مۇمكىن ەكەنىن اتاپ ءوتىپ، كوروناۆيرۋستىق مۋتاسيانىڭ بۇل نۇسقاسى جاڭا جاعدايلاردىڭ كوپ بولىگىن قۇرايتىنىن ايتتى. جاڭا جوسپارعا سايكەس اقش فەدەرالدى ۇكىمەتىنىڭ بارلىق قىزمەتكەرلەرى، سونداي-اق ونىڭ مەردىگەرلەرى COVID-19 ۆاكسيناسياسىنان ءوتۋى كەرەك.
ۇلىبريتانيا
ۇلىبريتانيادا قاڭتار مەن شىلدەدە تىركەلگەن COVID-19 اۋرۋى مەن اۋرۋحاناعا جاتقىزۋدىڭ شىرقاۋ شەگى قىركۇيەك ايىندا قايتا ورىن الدى. ءقازىر 8 085 ادام ورتاشا اۋىر جانە اۋىر جاعدايدا ستاسيونارلاردا ەم قابىلداۋدا. ۆاكسينالاۋدىڭ جوعارى قارقىنىنا قاراماستان، ۆيرۋستىڭ تارالۋى ارتىپ كەلەدى. ۇلىبريتانيا - ازاماتتارى يممۋنداۋدى كوروناۆيرۋستان ناقتى قورعانىس رەتىندە قابىلدايتىن ەۋروپاداعى ساناۋلى ەلدەردىڭ ءبىرى. قازىرگى ۋاقىتتا COVID-19-عا قارسى تولىق ۆاكسينالانعان بريتاندىقتاردىڭ سانى 65% جەتتى.
مولدوۆا
مولدوۆا بيلىگى مولدوۆانىڭ "جاسىل" ايماقتان "قىزعىلت سارىعا"اۋىسۋىنا بايلانىستى COVID-19 تارالۋىنا قارسى كۇرەس اياسىندا توتەنشە شارالار قابىلدادى. دەنساۋلىق ساقتاۋ سالاسىندا ەرتەڭنەن 30 قازانعا دەيىن توتەنشە جاعداي رەجيمى ەنگىزىلدى. بۇل شارالار كوروناۆيرۋستىق ينفەكسيانىڭ جاڭا جاعدايلارىنىڭ ايتارلىقتاي وسۋىنە بايلانىستى. 3 قىركۇيەكتە ەل ۇكىمەتى ۆاكسينالانباعان وقۋ ورىندارىنىڭ وقىتۋشىلارىن ەكى اپتادا ءبىر رەت پتر-تەستىلەۋدەن ءوز ەسەبىنەن وتۋگە مىندەتتەدى. مىسالى، مولدوۆالىق دارىگەرلەر اراسىندا ۆاكسيناسيالانعانداردىڭ ۇلەسى 98% - عا جەتتى.
افريكا
جەر بەتىندەگى ەڭ ىستىق كونتينەنتتىڭ 8 ميلليونعا جۋىق تۇرعىنى پاندەميا باستالعاننان بەرى كوروناۆيرۋس ينفەكسياسىن جۇقتىردى. افريكادا COVID-19 جاعدايلارىنىڭ جالپى سانى 7،94 ميلليوننان استى، - دەپ حابارلادى افريكا اۋرۋلاردى باقىلاۋ جانە الدىن الۋ ورتالىعى. قايتىس بولعانداردىڭ جالپى سانى 200 741 ادامعا جەتتى. ۆەدومستۆونىڭ مالىمەتىنشە، ينفەكسيانىڭ ەڭ كوپ سانى وڭتۇستىك افريكادا، ال ەڭ جوعارى كورسەتكىشتەر تىركەلگەن ەلدەر - وڭتۇستىك افريكا، ماروككو، تۋنيس، ليۆيا جانە ەفيوپيا.