كۇكىرت قىشقىل سەحى سالىنادى
بالقاش قالاسىنداعى ءوندىرىس وشاقتارىنان جىلىنا شامامەن 70 مىڭ توننا زياندى زات اۋاعا تارايدى.ونىڭ 56 مىڭ تونناسى مىس قورىتۋ زاۋىتىنان شىعادى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
الايدا ەكولوگيا دەپارتامەنتىنىڭ مالىمەتىنشە، بۇل قالىپتى جاعداي، رۇقسات ەتىلگەن مەجەدەن اسپايدى ەكەن. كاسىپورىن باسشىلىعى 2025 جىلعا دەيىن زياندى قالدىقتار مولشەرىن 70 پروسەنتكە ازايتۋدى كوزدەپ وتىر. سەبەبى كەلەر جىلدان باستاپ ءوندىرىس وشاقتارىنان بولىنەتىن قالدىق مولشەرى كۇن سايىن اۆتوماتتى تۇردە انىقتالاتىن بولادى.
«كۇكىرت قىشقىل سەحىن سالامىز. تولىق گازدىڭ بارلىعىن كۇكىرت قىشقىلىن شىعارۋ ارقىلى وڭدەيتىن بولامىز. گازدىڭ بارلىعىن 100 پايىز الاتىن بولامىز، اۋاعا ەشتەڭە كەتپەيتىن بولادى»، – دەدى مىس قورىتۋ زاۋىتىنىڭ ديرەكتورى ەربول ايبەكوۆ.
2023 جىلدان باستاپ ءوندىرىس وشاقتارىنان بولىنەتىن زياندى قالدىقتاردىڭ مولشەرى كۇن سايىن اۆتوماتتى تۇردە مەملەكەتتىك ورگاندارعا جىبەرىلىپ وتىرادى. ول اقپاراتتى ەشكىم وزگەرتە المايدى. بيىلدان قالماي ەلىمىزدەگى بارلىق كاسىپورىندار ارنايى قۇرىلعى ورناتۋى ءتيىس، – دەدى قاراعاندى وبلىسى بويىنشا ەكولوگيا دەپارتامەنتىنىڭ باسشىسى قانات مۇساپاربەكوۆ.