الداعى جىلدان باستاپ «التىن القا»، «كۇمىس القا» تاققان كوپ بالالى انالارعا بەرىلەتىن جاردەماقى اۆتوماتتى تۇردە تاعايىندالماق. بۇل تۋرالى ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ ءمالىم ەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«بۇگىندە الەۋمەتتىك قورعاۋ جانە ەڭبەك سالاسى بويىنشا 45 قىزمەتتىڭ 43ء-ى (95%) ەلەكتروندىق فورماتتا كورسەتىلەدى. سونىمەن قاتار، اتالعان 45 قىزمەتتىڭ 23ء-ى پرواكتيۆتى تۇردە ۇسىنىلادى. جالپى، بيىل قازاقستاندىقتار 13،1 ملن قىزمەت الدى. ونىڭ ىشىندە 10،6 ملن قىزمەت سيفرلىق فورماتتا، ال 1 ملن-نان استام قىزمەت ازاماتتارعا جىبەرىلگەن حابارلاما جاۋاپتارى نەگىزىندە پرواكتيۆتى تۇردە كورسەتىلدى»، - دەدى ەربول وسپانوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
مينيستر ورىنباسارىنىڭ مالىمدەۋىنشە، 2020 جىلدان بەرى سيفرلىق فورماتتا كورسەتىلەتىن الەۋمەتتىك قىزمەتتەردىڭ ۇلەسى 20%-عا ارتقان.
«بۇگىندە الەۋمەتتىك مەملەكەتتىك قىزمەتتەردى كورسەتۋ پروسەسىن ترانسفورماسيالاۋ ءجۇرىپ جاتىر. الدىمەن، پرواكتيۆتى فورماتتا كورسەتىلەتىن قىزمەتتەردى جەتىلدىرە ءتۇسۋ كوزدەلىپ وتىر. پرواكتيۆتى قىزمەتتىڭ ارقاسىندا جاردەماقىلاردى اۆتوماتتى تۇردە تاعايىنداۋ مۇمكىندىگى بار، ياعني قىزمەت ادامنىڭ قاتىسۋىنسىز، اۆتوماتتى تۇردە كورسەتىلەدى. سونداي-اق، 2023 جىلى 1 قاڭتاردان باستاپ «التىن القا» جانە «كۇمىس القا» القاعا يە كوپ بالالى انالارعا جاردەماقى تاعايىنداۋدى پرواكتيۆتى قىزمەت تۇرىنە اۋىستىرۋ جوسپارلانىپ وتىر. باسىندا پيلوتتىق رەجيمدە ىسكە قوسىلادى»، - دەيدى ول.
سونداي-اق، ەربول وسپانوۆ كەلەسى جىلى تاعى ءتورت قىزمەتتىڭ اۆتوماتتى فورماتقا اۋىساتىنىن ايتتى.