ەندىگى ۋاقىتتا اتاۋلى الەۋمەتتىك كومەك جانە تاعى 11 جاردەماقىلىق تولەم «ازاماتتارعا ارنالعان ۇكىمەت» مەملەكەتتىك كورپوراسياسى ارقىلى جۇزەگە اسىرىلادى، دەپ حابارلايدى Almaty-akshamy.kz Inform.kz-كە سىلتەمە جاساپ.
«مەملەكەتتىك تولەمدەردى ورتالىقتاندىرۋ باعىتىنداعى جۇمىس قارقىندى ءجۇرىپ جاتىر. ەندىگى ۋاقىتتا اتاۋلى الەۋمەتتىك كومەك جانە جەرگىلىكتى اتقارۋشى ورگانداردىڭ شەشىمىمەن تاعايىندالاتىن 11 الەۋمەتتىك كومەك تولەمىن «ازاماتتارعا ارنالعان ۇكىمەت» مەملەكەتتىك كورپوراسياسى جۇزەگە اسىرادى. بۇعان دەيىن ول مىندەتتى جەرگىلىكتى اتقارۋشى ورگاندار اتقارىپ كەلدى»، - دەدى ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، الەۋمەتتىك جانە ەڭبەك سالاسى بويىنشا قىزمەت الۋدى جەڭىلدەتە ءتۇسۋ جۇمىسى جالعاسا بەرەدى.
«وسى كۇنگە دەيىن ىسكە اسىپ جاتقان ءىس-شارالار قىزمەتكە جىلدام قول جەتكىزىپ، اشىقتىقتى قامتۋعا ارنالعان. سول سياقتى قىزمەت تۇرلەرىن سيرفلىق فورماتقا كوشىرۋ ارقىلى ادامي فاكتورلاردىڭ الدىن الۋ كوزدەلەدى»، - دەيدى ول.