بۇگىنگى تاڭدا 6، 7 جانە ودان دا كوپ بالانى دۇنيەگە اكەلىپ، تاربيەلەگەن انالار بىردەي كولەمدە جاردەماقى الادى.
1 شىلدەدەن باستاپ رەسپۋبليكالىق بيۋدجەتتەن «التىن القا» العان، «باتىر انا» اتاعى بار، ياعني 7 جانە ودان دا كوپ بالا تۋىپ، تاربيەلەگەن I جانە II دارەجەلى «انا داڭقى» وردەنىمەن ماراپاتتالعان انالارعا تولەنەتىن جاردەماقى 7،4 اەك-كە دەيىن (2023 جىلى – 25 530 تەڭگە) وسەدى. ءتيىستى نورما ق ر الەۋمەتتىك كودەكسىندە كوزدەلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن جانە مەملەكەت باسشىسى قول قويعان ق ر الەۋمەتتىك كودەكسى 9 زاڭدى شوعىرلاندىردى جانە الەۋمەتتىك قامسىزداندىرۋ جۇيەسىن دامىتۋدىڭ قۇقىقتىق نەگىزدەرىن نىعايتۋعا ءارى ازاماتتاردى الەۋمەتتىك قولداۋ شارالارىنىڭ اتاۋلىلىعىن كۇشەيتۋگە باعىتتالعان.
ق ر الەۋمەتتىك كودەكسىن ىسكە اسىرۋ الەۋمەتتىك قامسىزداندىرۋ جۇيەسىن كەزەڭ-كەزەڭىمەن حالىقارالىق ستاندارتتار دەڭگەيىنە كەلتىرۋگە، حالىقتىڭ، مەملەكەتتىڭ جانە جۇمىس بەرۋشىلەردىڭ الەۋمەتتىك تاۋەكەلدەردىڭ سالدارى ءۇشىن ورتاق جاۋاپكەرشىلىگىنىڭ ءرولىن كۇشەيتۋگە، ازاماتتاردىڭ پرواكتيۆتى فورمات ارقىلى مەملەكەتتىك قولداۋ شارالارىنا تەڭ قولجەتىمدىلىگىن قامتاماسىز ەتۋگە، سونداي-اق جۇمىسپەن قامتۋعا جاردەمدەسۋدىڭ بەلسەندى شارالارىنىڭ اشىقتىعى مەن اتاۋلىلىعىن ارتتىرۋعا مۇمكىندىك بەرەدى.
قۇجاتتىڭ جاڭاشىلدىعىنىڭ ءبىرى – «ناگرادتالعان انا» دەگەن جاڭا ۇعىمدى ەنگىزۋ بولاتىن.
بۇل مارتەبە «كۇمىس القا»، «التىن القا» القالارىمەن ماراپاتتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ماراپاتتالعان ايەلدەرگە بەرىلەدى.
ق ر الەۋمەتتىك كودەكسىندە ناگرادتالعان انالارعا تولەنەتىن جاردەماقى مولشەرىن سارالاۋ كوزدەلەدى.
ماسەلەن، «التىن القامەن»، I جانە II دارەجەلى «انا داڭقى» وردەندەرىمەن ماراپاتتالعان،
«باتىر انا» اتاعى بار، ياعني 7 جانە ودان دا كوپ بالا تۋىپ، تاربيەلەگەن انالارعا ارنالعان جاردەماقى مولشەرى 2023 جىلعى 1 شىلدەدەن باستاپ 7،4 اەك-كە دەيىن (2023 جىلى – 25 530 تەڭگە) وسەدى.
بۇل وزگەرىس 90 مىڭعا جۋىق ماراپاتتالعان انالاردى قامتيتىن بولادى.
جاردەماقى الۋشىلارعا 2023 جىلعى 1 شىلدەدەگى جاعداي بويىنشا ونىڭ مولشەرىن ارتتىرۋ مەملەكەتتىك ورگانداردىڭ اقپاراتتىق جۇيەلەرىندە بار مالىمەتتەر نەگىزىندە اۆتوماتتى تۇردە جۇزەگە اساتىنىن اتاپ ءوتۋ قاجەت.