الماتى قالاسىندا 2024 جىلى 26 قىركۇيەكتە تۇركى الەمىندەگى جاس اقىنداردىڭ حالىقارالىق پوەزيا فەستيۆالى وتەدى. وعان تۇركيا، قازاقستان، قىرعىزستان، وزبەكستان، ءازىربايجان جانە تۇرىكمەنستاننىڭ اقىندارى قاتىسادى.
فەستيۆالدىڭ باستى ماقساتى – تۇركى الەمىنىڭ بىرلىگى مەن مادەنيەتىن نىعايتۋ، جاس اقىنداردىڭ شىعارماشىلىق كوكجيەگىن كەڭەيتۋ. ءىس-شارا تۇركسوي ۇيىمىنىڭ، الماتى قالاسى اكىمدىگى مەن «تۇلعا-دوستىق» قوعامدىق قورىنىڭ قولداۋىمەن وتەدى.
فەستيۆال 11:00-دە «پوەزيا اللەياسىندا» (سەيرىكوۆ كوشەسى، 2ا) سالتاناتتى تۇردە اشىلادى. وندا تۇركسوي باس حاتشىسى سۇلتان رايەۆ، تۇركى مەملەكەتتەرى جازۋشىلار وداعىنىڭ ءتوراعاسى ۇلىقبەك ەسداۋلەت، قازاقستان جازۋشىلار وداعى ءتوراعاسىنىڭ ورىنباسارى قاسىمحان بەگىمانوۆ، قىرعىزستان جازۋشىلار وداعىنىڭ ءتوراعاسى قانىبەك يمانالييەۆ، قازاقستاننىڭ قوعام قايراتكەرى، «پاراسات» جانە «دوستىق» وردەندەرىنىڭ يەگەرى اسىلى وسمان جانە باسقا دا زيالى زيالى قاۋىم وكىلدەرى، قوعام قايراتكەرلەرى، جازۋشىلار مەن مەسەناتتار ءسوز سويلەيدى.
ال فەستيۆالگە قاتىسۋشى اقىندار ساعات 17:00-دە «الاتاۋ» ءداستۇرلى ونەر تەاترىندا («نۇركەنت» شاعىن ۋدانى، 6) ونەر كورسەتەدى.
قاتىسۋشىلار: مۋحيتتين گۇمۇش (تۇركيا)، ارايلىم مۇراتالييەۆا (قازاقستان)، داۋرەن تىلەۋحان (قازاقستان)، ۆيليام مولوتوۆ (قازاقستان)، ەرقانات كەڭەسبەك ۇلى (قازاقستان)، ىرىسگۇل يزاتوۆا (قىرعىزستان)، اكجول دورانبەك ۋۋلۋ (قىرعىزستان)، كاناتبەك تاالايبەك ۋۋلۋ (قىرعىزستان)، شۋحرات اريف (وزبەكستان)، مانسۋر جۋمايەۆ (وزبەكستان)، حۋلكار شەرزودوۆا (وزبەكستان)، ينتيگام ياشار ۇلى (ءازىربايجان)، حوشگەلدييەۆا ماحىم (تۇرىكمەنستان).
سونىمەن قاتار، فەستيۆال بارىسىندا «الاتاۋ سەرىلەرى» ءانسامبلى، بيبىگۇل قيلىمحان، اسەت ەسجان، ەردەن جاقسىبەك، سونداي-اق «الاتاۋ» ەتنو-فولكلورلىق ءانسامبلى سىندى قازاقستاندىق تانىمال ونەر ۇجىمدارى مەن ورىنداۋشىلار اننەن شاشۋ شاشادى.
بايلانىس تەلەفونى: 8 775 696 93 33، شوقان.