كەشە اۋىل مەكتەپتەرىنىڭ وقۋشىلارىنا ارنالعان جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ ءى (مەكتەپىشىلىك) كەزەڭى باستالدى.
وليمپياداعا 113 مىڭنان استام 9-11(12) سىنىپ وقۋشىلارىنىڭ رەكوردتىق سانى تىركەلدى. وتكەن جىلعا قاراعاندا قاتىسۋشىلار سانى 34 مىڭعا وقۋشىعا ارتتى، دەپ حابارلايدى aqshamnews.kz وقۋ-اعارتۋ مينيسترلىگىنە سىلتەمە جاساپ.
وليمپيادا 13 ءپان بويىنشا، جاراتىلىستانۋ-ماتەماتيكالىق جانە قوعامدىق-گۋمانيتارلىق باعىتتاردا وتكىزىلەدى:
I كەزەڭ (مەكتەپىشىلىك) – 2024 جىلدىڭ قىركۇيەگى؛
II كەزەڭ (اۋداندىق) – 2024 جىلدىڭ قازانى؛
III كەزەڭ (وبلىستىق) – 2024 جىلدىڭ قاراشاسى؛
IV كەزەڭ (رەسپۋبليكالىق) – 2024 جىلدىڭ جەلتوقسانى.
بۇل رەتتە وتكەن جىلعى وليمپيادا جەڭىمپازدارى بيىلعى وليمپيادانىڭ رەسپۋبليكالىق كەزەڭىنە پاندەر سايكەستىگى بويىنشا بارلىق كەزەڭدەرگە قاتىسۋ شارتتارىن ساقتاي وتىرىپ، كونكۋرستان تىس قاتىسا الادى.
مەكتەپەگى كەزەڭىنە تىركەلۋ auyl.daryn.kz سايتىندا ءوتتى، ال كەزەڭنىڭ ءوزى 2024 جىلدىڭ 28 قىركۇيەگىندە اياقتالادى.
ەستەرىڭىزگە سالا كەتەيىك، اۋىل مەكتەپتەرىنىڭ وقۋشىلارىنا ارنالعان بۇل وليمپيادا العاش رەت وتكەن وقۋ جىلىندا ق ر وقۋ-اعارتۋ مينيسترلىگىنىڭ باستاماسىمەن وتكىزىلدى. ول قازاقستاننىڭ شالعاي ەلدى مەكەندەرىندەگى دارىندى جانە تالانتتى بالالاردىڭ قابىلەتتەرىن انىقتاۋعا جانە نىعايتۋعا باعىتتالعان. وسىلايشا، وليمپيادانىڭ ءبىرىنشى جىلىنىڭ قورىتىندىسى بويىنشا جۇلدەلى ورىندارعا يە بولعان اۋىل وقۋشىلارىنىڭ سانى 8 ەسەگە جۋىق ارتتى.
انىقتاما ءۇشىن: وليمپيادا كەزىندە اۋىل وقۋشىلارى جان-جاقتى قولداۋ تاۋىپ، الداعى زياتكەرلىك سايىستارعا دايىندالۋ ءۇشىن «دارىن» رەسپۋبليكالىق سىرتتاي مەكتەبىنە قابىلدانادى. ايتا كەتۋ كەرەك، وليمپيادا جەڭىمپازدارى ەلىمىزدىڭ جەتەكشى وقۋ ورىندارىنىڭ گرانتتارىنا يە بولادى.