وتكەن جىلدىڭ جەلتوقسانىندا قازاقستاندىقتار 72 ملرد تەڭگەنىڭ شۇلىعىن كيىپتى.
ماماندار بۇل كورسەتكىشتى 2022 جىلدىڭ جەلتوقسانىمەن سالىستىرعاندا 18 ەسە كوپ ەكەنىن ايتادى، دەپ حابارلايدى اlmaty-akshamy.kz. ىشكى نارىقتا شۇلىق پەن كولگوتكي ساتۋ كولەمى جىلدىڭ سوڭعى ايىندا 14%-عا وسكەن. سالىستىرمالى تۇردە بۇل كورسەتكىش 2023 جىلدىڭ الدىڭعى 11 ايىمەن سالىستىرعاندا اجەپتاۋىر كوپ. جىل وتكەن سايىن كورسەتكىش 18 ەسەگە ارتقان.
«ونىمدەردىڭ تۇگەلگە جۋىعى شەتەلدەن كەلەدى. دوللارمەن ەسەپتەگەندە، ءبىر ايدا شۇلىق بۇيىمدارى يمپورتىنىڭ كولەمى 157 ميلليوندى قۇراعان. بۇل 2022 جىلعى جەلتوقسانمەن سالىستىرعاندا، 20 ەسەگە كوپ. سونىڭ تۇگەلگە جۋىعى قىتايدان كەلگەن ماقتا شۇلىق بۇيىمدارىنىڭ ۇلەسىنە تيەدى – 20،3 ميلليون جۇپ»، - دەلىنگەن حابارلامادا.
ەندى كورسەتكىشتىڭ 2022 جىلدىڭ جەلتوقسانىمەن سالىستىرعاندا، 18 ەسەگە وسكەنىن ەسكەرسەك، الدىڭنان ميللياردتار شىقپاعاندا، نەسى قالدى. نەگىزىنەن توقىما سالاسىن وزىمىزدە نەگە دامىتپاسقا؟