توتەنشە جانە ەكسترەمالدى جاعدايلاردا ادامداردى قۇتقارۋ - ەڭ قيىن ءارى جاۋاپتى ماماندىقتاردىڭ ءبىرىن تاڭداعان و3ء-شى دارەجەلى الپينيست داستان قىدىرموللايەۆ قۇتقارۋشى بولىپ 2023 جىلدان باستاپ جۇمىس ىستەيدى. ادامدارعا كومەكتەسۋ ونىڭ باستى موتيۆاتورى بولىپ تابىلادى، العاشقى جۇمىس كۇندەرىنەن باستاپ ودان ءارى نىعايا ءتۇستى، دەپ حابارلايدى aqshamnews.kz.
قۇتقارۋشى بولىپ جۇمىس ىستەگەن قىسقا مەرزىم ىشىندە داستان قازاقستاننىڭ كوپتەگەن وڭىرلەرىندە بولىپ، توتەنشە جاعدايلار ايماقتارىندا جۇمىس ىستەدى، اتاپ ايتقاندا ادامداردى قار قۇرساۋىندا، تاۋلى جەرلەردە قۇتقارۋ جۇمىستارىندا، بيىك نىسانداردا، جول-كولىك وقيعالارىنا ۇشىراعان ادامدارعا كومەك كورسەتۋدە، سونداي-اق وزەندەردە وتپە جولداردى ۇيىمداستىرۋعا قاتىستى.
قىسقا مەرزىم ىشىندە داستان الپينيزم بويىنشا ءۇشىنشى رازريادقا يە بولىپ، ارنايى اۆاريالىق-قۇتقارۋ قۇرالدارىن قولدانۋدى جانە ولاردى جۇمىستا قولدانۋدى ۇيرەندى، تج-دا زارداپ شەككەندەرگە العاشقى كومەك كورسەتۋدى، ەڭ قيىن جاعدايلاردا جاۋاپتى شەشىمدەر قابىلداۋ داعدىلارىن يگەردى.
كۋش اۋىلىندا جوعالعان ءۇش جاسار بالانى ىزدەۋ جۇمىستارى ونىڭ العاشقى شاقىرتۋلارىنىڭ ءبىرى بولدى.
ول قورداي اسۋىندا قيىن كليماتتىق جاعدايلاردا قار قۇرساۋىندا قالعان ادامداردى قۇتقارۋ وپەراسياسىنا دا قاتىستى.
«مەنىڭ تاڭداعان ماماندىعىمدى تۋىستارىم مەن جاقىندارىم قولدايدى»، - دەپ داستان ءبولىستى. بارلىق قيىندىقتارعا قاراماستان، ول ءوز ماماندىعىن باعالايدى جانە رەسپۋبليكالىق جەدەل-قۇتقارۋ جاساعى سياقتى ۇيىمشىل ۇجىمدا قۇتقارۋشى قىزمەتىن ءارى قاراي جالعاستىرۋعا نيەتتى. ءوزارا كومەك پەن دوستىق توتەنشە جاعدايلار مينيسترلىگى قۇتقارۋشىلارىنىڭ تابىستى جۇمىسىنىڭ نەگىزى بولىپ تابىلادى.
بولاشاقتا داستان قۇتقارۋشى–الپينيست رەتىندە ءوز داعدىلارىن جەتىلدىرۋگە، سونداي-اق سۇڭگۋىر ءىسىن يگەرۋگە جانە حالقىمىز بەن وتانىمىزدىڭ يگىلىگى ءۇشىن جۇمىس ىستەۋگە بار كۇشىن سالادى!