ىزدەۋ جۇمىستارى جالعاسىپ جاتىر
دولوميت الپىلەرىندە مۇزدىقتاردىڭ ەرۋىنەن قازا تاپقاندار سانى التى ادامعا جەتتى، دەپ حابارلايدى Almaty-akshamy.kz قازاقپارات اگەنتتىگى سىلتەمە جاساپ.
Euronews اقپارات اگەنتتىگىنىڭ مالىمەتىنشە، 9 ادام زارداپ شەكتى. جوعالعان 15 ادامدى ىزدەۋ جۇمىستارى جالعاسىپ جاتىر. 3500 مەتر بيىكتىكتە قۇتقارۋ جۇمىسى ءجۇرىپ جاتىر. قايعىلى وقيعا ترەنتو پروۆينسياسىندا، اپەننين تۇبەگىنىڭ ەڭ ۇلكەن مۇزدىعى مارمولادادا بولعان. ەكى توپ الپينيست تاۋ باسىنا كوتەرىلىپ جاتقان كەزدە مۇز، قار جانە تاستىڭ الىپ بولىگى 300 كم/ساع جىلدامدىقپەن وپىرىلىپ قۇلاعان. يتاليالىق ب ا ق حابارلاۋىنشا، ولاردىڭ اراسىندا شەتەلدىكتەر دە بولۋى مۇمكىن. پرەمەر-مينيستر ماريو دراگي قازا تاپقانداردىڭ وتباسىلارىنا كوڭىل ايتتى. مۇز ماسساسىنىڭ وپىرىلۋى مۇزدىقتىڭ جوعارعى جاعىندا سەلسيي بويىنشا +10 گرادۋس تەمپەراتۋرا رەكوردى تىركەلگەننەن كەيىن كەلەسى كۇنى ورىن الدى. قۇتقارۋشىلار جاڭا قۇلاۋ ءقاۋپى بار ەكەنىن ەسكەرتىپ وتىر. ەكولوگتاردىڭ ايتۋىنشا، سوڭعى جيىرما جىلدا مۇزدىقتىڭ اۋدانى ۇشتەن بىرگە قىسقارعان.