مۇنداي جوبا قوعام تالقىلاۋىنا جاريالاندى.
«تۇڭعىش پرەزيدەنت - ەلباسىنىڭ مەملەكەتتىك ستيپەندياسى» ەندى باسقاشا اتالاتىن بولادى. اتاۋىن وزگەرتۋ تۋرالى جوبا «اشىق نقا» سايتىندا قوعام تالقىلاۋىنا جاريالاندى، دەپ حابارلايدى Almaty-akshamy.kz.
قۇجات جوباسىن ازىرلەگەن ورگان – ق ر مادەنيەت جانە سپورت مينيسترلىگى.
«قازاقستان رەسپۋبليكاسى پرەزيدەنتىنىڭ 2000 جىلعى 3 ساۋىردەگى №369 جارلىعىنا مىناداي وزگەرىستەر ەنگىزىلسىن: تاقىرىبى «مادەنيەت سالاسىنداعى مەملەكەتتىك ستيپەنديانى تاعايىنداۋ تۋرالى» دەگەن رەداكسيادا جازىلسىن»،- دەلىنگەن جارلىق جوباسىندا.
ياعني، «ق ر تۇڭعىش پرەزيدەنتى – ەلباسىنىڭ مادەنيەت سالاسىنداعى مەملەكەتتىك ستيپەندياسى» دەگەن اتاۋ «مادەنيەت سالاسىنداعى مەملەكەتتىك ستيپەنديا» دەپ وزگەرتىلىپ وتىر.
ال ستيپەنديانىڭ مولشەرى بۇرىنعىداي 55 ايلىق ەسەپتىك كورسەتكىش (174 900 تەڭگە – رەد) كولەمىندە قالادى.