الماتى پوليسياسى ەل پرەزيدەنتى قاسىم-جومارت توقايەۆتىڭ تاپسىرماسى اياسىندا “قولجەتىمدى پوليسيا” جۇمىسىنىڭ جاڭا فورماتىنا سايكەس كەشەندى شارالار قابىلداۋدا.
بۇل باعىتتاعى باسىم بۋىن – ۋچاسكەلىك پوليسيا ينسپەكتورلارى.
«بۇگىندە ۋچاسكەلىك پوليسيا ينسپەكتورلارى قىلمىستىڭ الدىن الۋدىڭ جالپى جۇيەسىنىڭ نەگىزگى بۋىنى سانالادى. نەگىزىندە، تەك قانا سولار تۇرعىندارمەن تۇراقتى تۇردە جەكە بايلانىستا بولادى. وسىعان وراي، سونداي-اق حالىقتىڭ قۇقىق قورعاۋ ورگاندارىنا دەگەن سەنىم دەڭگەيىن ارتتىرۋ، پوليسيا مەن اكىمشىلىك اۋماقتاردا تۇراتىن ازاماتتار اراسىنداعى ارىپتەستىك قارىم-قاتىناستى قۇرۋ جانە دامىتۋ، ولاردىڭ قىزمەتتىك قىزمەتىنىڭ تيىمدىلىگىن ارتتىرۋ، قىلمىستىڭ وڭدى فورماسى مەن ادىستەرىن تاراتۋ ماقساتىندا 1 قاراشا مەن 30 قاراشا ارالىعىندا “ءسىزدىڭ ۋچاسكەلىك پوليسەي” رەسپۋبليكالىق ناۋقانى ءوتىپ جاتىر»، – دەدى الماتى قالالىق پد جپقب باستىعىنىڭ ورىنباسارى دياس دۋانبەكوۆ.
بۇگىندە ۋچاسكەلىك پوليسيا ينسپەكتورلارى ءموبيلدى جانە ۇنەمى بايلانىستا. ولار – پيك، وسي جانە ايماق تۇرعىندارىمەن ءبىر چاتتا، مەسسەندجەرلەردە. ناۋقان بارىسىندا پوليسيا قىزمەتكەرلەرى اكىمشىلىك اۋماقتا ورنالاسقان ءاربىر ءۇي مەن پاتەرلەردى ارالاپ، تۇرعىندارعا پوليسيا قىزمەتكەرى مەن ۋچاسكەلىك پوليسيا بولىمشەسىنىڭ بايلانىس دەرەكتەرى جازىلعان وزدەرىنىڭ ەسىمحاتتارىن تاراتادى. ءىس-شارا باستالعالى 125 مىڭعا جۋىق تۇرعىن ءۇي اۋماقتارىنا تەكسەرۋ جۇرگىزىلدى، ونىڭ ىشىندە 87300 پاتەر جانە 37200 جەكە ءۇي بار. ناتيجەسىندە جەدەل قىزىعۋشىلىق تانىتقان 112 ادام، سونداي-اق جالعا بەرىلەتىن 8 مىڭعا جۋىق تۇرعىن ءۇي انىقتالدى.