تۇركسىب اۋدانىنداعى ەلەكتر جەلىلەرىنىڭ ۇزىندىعى 1 200 كم
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا تۇركسىب اۋدانىنىڭ اكىمى باقىتجان اقجاروۆ مالىمدەدى، دەپ حابارلايدى Almaty-akshamy.kz.
سپيكەر قازىرگى ۋاقىتتا قايرات شاعىن اۋدانىندا تۇزدىباستاۋ قوسالقى ستانسياسىنىڭ قۇرىلىسى جالعاسىپ جاتقانىن اتاپ ءوتتى. ونى 2022 جىلدىڭ جەلتوقسان ايىندا اياقتاۋ جوسپارلانىپ وتىر. قوسالقى ستانسيا قايرات جانە نۇرشاشقان شاعىن اۋداندارىنىڭ 12 مىڭنان استام تۇرعىنىن تۇراقتى ەلەكترمەن جابدىقتاۋدى قامتاماسىز ەتەدى. سونداي-اق ودان مەدەۋ جانە الماتى وبلىسىنىڭ تالعار اۋداندارى تۇرعىندارىنىڭ ءبىر بولىگى ەلەكتر ەنەرگياسىن الاتىن بولادى.
باقىتجان اقجاروۆ المەرەك، شۋاقتى، قايرات جانە نۇرشاشقان شاعىن اۋداندارىندا ىشكىكۆارتالدىق ەلەكترمەن جابدىقتاۋ جەلىلەرىن رەكونسترۋكسيالاۋ جوباسى ازىرلەنگەنىن حابارلادى. قۇرىلىس-مونتاج جۇمىستارى 2022 جىلعا جوسپارلانعان.
تۇركسىب اۋدانىنداعى ەلەكتر جەلىلەرىنىڭ ۇزىندىعى 1 200 كم (توزۋى 67%) قۇرايدى.
«بيىل ءبىز 3 تاراتۋشى قوسالقى ستانسيا مەن 25 ترانسفورماتورلىق قوسالقى ستانسياعا اعىمداعى جوندەۋ جۇمىستارىن جۇرگىزدىك. بۇل ەلەكترمەن جابدىقتاۋ ساپاسىن ەداۋىر جاقسارتتى، مىسالى شەمياكين كوشەسىنىڭ تۇرعىندارى كەرنەۋدىڭ تومەندەۋىنە ءجيى شاعىمدانادى، جوندەۋ اياقتالعاننان كەيىن ولار توقتادى»، - دەدى باقىتجان اقجاروۆ.
وسى جىلى «اجك» اق كاسىپورنىنىڭ بالانسىنا 15 جەكە ترانسفورماتورلىق قوسالقى ستانسيا مەن 7،3 كم جەلى بەرىلگەنى بەلگىلى بولدى، سونىڭ ارقاسىندا 700-دەن استام ابونەنتتىڭ تولەم ءتاريفى كۆت ءۇشىن 29 تەڭگەدەن 19،8 تەڭگەگە دەيىن تومەندەدى.
اكىم جەكە سەكتوردى گازداندىرۋ تۋرالى ايتىپ بەردى. بۇگىندە تۇركسىب اۋدانى گاز ماگيسترالدىق جەلىلەرىمەن 100% قامتىلعان. اۋداندا بارلىعى 25 128 جەكە مەنشىك ءۇي بار، ونىڭ 25 033ء-ى گازداندىرىلعان. حالىقتىڭ الەۋمەتتىك وسال توپتارىنىڭ 25 ءۇيى گازعا تەگىن قوسىلدى. قالعان ۇيلەر قوسىلۋ ۇستىندە.
1 165 كوپپاتەرلى تۇرعىن ۇيدە تۇراتىن اۋداننىڭ 100 مىڭنان استام تۇرعىنى ورتالىق جىلۋمەن قامتىلعان. بۇگىندە «ۆوكزال» قازاندىعىن قايتا قۇرۋ جۇمىستارى اياقتالۋعا جاقىن. جۇمىس بىتكەن سوڭ 4 مىڭنان استام تۇرعىن تۇراقتى جىلۋمەن قامتاماسىز ەتىلەدى.