الماتىنىڭ تۇركسىب اۋدانىندا مەكتەپتەر مەن بالاباقشالارداعى ورىن تاپشىلىعى ماسەلەسى قالاي شەشىلۋدە

وقۋشى ورىندارىنىڭ تاپشىلىعى – 1 690

تۇركسىب اۋدانىنىڭ اكىمى باقىتجان اقجاروۆ وڭىرلىك كوممۋنيكاسيالار قىزمەتى الاڭىندا مەكتەپكە دەيىنگى مەكەمەلەردىڭ ماسەلەسىن شەشۋگە ۋادە بەردى، سونداي-اق مەكتەپتەر مەن دارىگەرلىك امبۋلاتوريالار سالۋ جوسپارلارى تۋرالى ايتتى، دەپ حابارلايدى Almaty-akshamy.kz.

باقىتجان اقجاروۆتىڭ ايتۋىنشا، اۋداندا 30 مەكتەپ بار، ولاردىڭ ۇشەۋى عانا جەكە مەنشىك. بارلىعى 33 442 وقۋشى، وقۋشى ورىندارىنىڭ تاپشىلىعى – 1 690.

بۇل ماسەلەنى شەشۋ ءۇشىن № 170 مەكتەپكە 280 ورىندى قوسىمشا قۇرىلىس سالىندى. بيىل نىسان پايدالانۋعا بەرىلدى. سونىمەن قاتار،سەيفۋللين داڭعىلى، 50 مەكەنجايدا ورنالاسقان 590 وقۋشىعا ارنالعان جەكە قارجى ليسەيى سالىندى.

2022 جىلدىڭ قاراشا ايىندا قايرات شاعىن اۋدانىندا 1500 ورىندى ۇلكەن مەكتەپ سالۋ جوسپارلانۋدا. سونىمەن قاتار، ساۋرانبايەۆ كوشەسىندە ورنالاسقان № 59 مەكتەپ-گيمنازياسىنىڭ جاڭا عيماراتىنىڭ قۇرىلىسى جوسپارلانعان.

باقىتجان اقجاروۆتىڭ ايتۋىنشا، مەكتەپكە دەيىنگى مەكەمەلەرمەن دە ماسەلە شەشىلەدى. اۋداندا 96 بالاباقشا جەتىسپەيدى، سوندىقتان جاس قانات شاعىن اۋدانىندا 280 ورىندى بالاباقشانىڭ قۇرىلىسى باستالدى. عيمارات 2022 جىلدىڭ ءبىرىنشى توقسانىندا تاپسىرىلادى. سونداي-اق 331 ورىنعا 7 جەكەمەنشىك مەكتەپكە دەيىنگى بالالار ۇيىمى اشىلدى. جاس قانات-2 شاعىن اۋدانىندا 260 ورىندىق تاعى ءبىر مەملەكەتتىك بالاباقشا سالۋ جوباسى ازىرلەنۋدە.

اۋدان اكىمى 100 ورىندى №86 بالاباقشا مەن مۇمكىندىگى شەكتەۋلى بالالارعا ارنالعان الماتى قالالىق وڭالتۋ ورتالىعىنىڭ عيماراتتارىن جوندەۋ جانە سەيسميكالىق كۇشەيتۋ جۇمىستارى تۋرالى دا ايتتى.

اۋداندا مەديسينالىق ينفراقۇرىلىمدى كەڭەيتۋ ءۇشىن كەلەسى وبەكتىلەردىڭ قۇرىلىسىنا جسق ازىرلەنۋدە: قايرات شاعىن اۋدانىندا ءبىر اۋىسىمدا 340 ادام قابىلدايتىن ەمحانا، نۇرشاشقان، المەرەك، رۆ-90 شاعىن اۋداندارىندا جانە ايباسوۆ كوشەسىندە دارىگەرلىك امبۋلاتوريالار. ولاردىڭ قۇرىلىسى 2022 جىلعا جوسپارلانعان. №20 قالالىق ەمحانانىڭ دارىگەرلىك امبۋلاتورياسىنىڭ جالعا الىنعان عيماراتىن ساتىپ الۋ ماسەلەسى قاراستىرىلۋدا.