الماتىدا 1965 جىلعى قۇبىردى اۋىستىرۋعا بايلانىستى لاۆرەنيەۆ كوشەسىنىڭ ءبىر بولىگىندە كولىك قوزعالىسى ۋاقىتشا شەكتەلەدى، دەپ حابارلايدى Aqshamnews.kz.
الداعى جىلىتۋ ماۋسىمىنا دايىندىق اياسىندا تۇركسىب اۋدانىندا جوسپارلى جىلۋ جۇيەلەرىن جاڭعىرتۋ جۇمىستارى ءجۇرىپ جاتىر. بۇل جۇمىس اياسىندا ۇزىندىعى 4،1 شاقىرىم بولاتىن 1965 جىلى پايدالانۋعا بەرىلگەن جىلۋ قۇبىرلارى اۋىستىرىلادى.
وسىعان بايلانىستى 2025 جىلعى 25 شىلدە كۇنى ساعات 23:00-دەن باستاپ 28 شىلدە ساعات 06:00-گە دەيىن لاۆرەنيەۆ كوشەسىنىڭ بويىمەن نامانگان كوشەسىنەن مايلين كوشەسىنە دەيىنگى بولىگى كولىك قوزعالىسى ءۇشىن ۋاقىتشا جابىلادى. قوزعالىس ەكى باعىتتا دا شەكتەلەدى.
شەكتەۋلەر جولدىڭ استىنان وتەتىن قۇبىر جەلىسىن ءقاۋىپسىز تۇردە اۋىستىرۋ ماقساتىندا ەنگىزىلىپ وتىر. جاڭارتۋ جۇمىستارى كەزىندە تۇتىنۋشىلارعا ىستىق سۋ بەرۋ توقتاتىلمايدى.
بۇل جىلۋ جەلىسى 42 كوپقاباتتى تۇرعىن ءۇيدى، ءبىر بالاباقشانى، ءبىر ەمحانانى جانە 4 نىساندى جىلۋمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 شاقىرىم جىلۋ قۇبىرىن جاڭعىرتۋ جوسپارلانعان. بۇل شارالار جىلۋ جەلىلەرىنىڭ توزۋ دەڭگەيىن 54%-عا دەيىن تومەندەتەدى.
ايتا كەتەيىك، قوزعالىسقا قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالار» سەرۆيستەرىندە جاريالانادى.