الماتىنىڭ تاۋ بوكتەرىندەگى ءىرى قۇرىلىس الاڭى سوت شەشىمىمەن ءسۇرىلىپ جاتىر. «جاڭارۋ» 556 وك-دە بلوكتى تۇرعىن ۇيلەر بۇزىلادى، دەپ حابارلايدى Aqshamnews.kz الماتى قالاسىنىڭ قالا قۇرىلىسىن باقىلاۋ باسقارماسىنا سىلتەمە جاساپ.
ءۇي قۇرىلىسى باستالعانعا دەيىن مەنشىك يەسىنە (جەكە تۇلعاعا) قاتىستى تاۋ ەتەگىن كەسىپ، تىرەك قابىرعاسىن زاڭسىز سالعانى ءۇشىن نۇسقاما بەرىلگەن ەدى. كەيىننەن ماجبۇرلەپ ورىنداۋ تۋرالى تالاپ-ارىزبەن اكىمشىلىك شارا قولدانىلدى.
كەيىن قولداعى رۇقسات قۇجاتتارىنا سايكەس مەنشىك يەسى باۋ-باقشا ۇيلەرىن سالۋعا كىرىسىپ، ەكى بلوكتى تۇرعىن ءۇي سالعان. قۇرىلىس اياقتالعان سوڭ مەنشىك يەسى نىساندى باۋ-باقشا ءۇيى رەتىندە ءوز بەتىمەن پايدالانۋعا بەرگەن، ءبىراق بۇل كەلىسىلگەن ەسكيزدىك جوباعا سايكەس كەلمەگەن.
باسقارما مەنشىك يەسىنە قاتىستى اكىمشىلىك شارالار قولدانىپ، 2024 جىلى 16 مامىردا الماتى قالاسى بوستاندىق اۋداندىق سوتىنا باستاپقى قۇجاتتاردى جويۋ جانە نىسانداردى بۇزۋ تۋرالى تالاپ ارىز بەرگەن.
سوت ىستەرى اياقتالعاننان كەيىن 2025 جىلى 20 مامىردا مەنشىك يەسىنىڭ اپەللياسيالىق شاعىمى قاناعاتتاندىرىلماي، بۇزۋ تۋرالى شەشىم زاڭدى كۇشىنە ەندى.
نىساندى بۇزۋ بۇگىن الماتى قالاسى ادىلەت دەپارتامەنتىنىڭ سوت ورىنداۋشىلارىنىڭ قاتىسۋىمەن باستالدى.