جۇبانوۆ كوشەسىنىڭ ءبىر بولىگىندە ورتاشا جوندەۋ جۇمىستارى جۇرگىزىلۋىنە بايلانىستى كولىك قوزعالىسىنا ۋاقىتشا شەكتەۋ قويىلادى، دەپ حابارلايدى Aqshamnews.kz.
26 شىلدە كۇنى ساعات 08:00-دەن باستاپ 27 شىلدە كۇنى ساعات 06:00-گە دەيىن مومىش ۇلى كوشەسىنەن باستاپ التىنسارين داڭعىلىنا دەيىنگى ارالىقتا قوزعالىس ۋاقىتشا توقتاتىلادى.
جوندەۋ جۇرگىزىلەتىن اۋماقتا ەسكەرتۋ بەلگىلەرى، مەردىگەر ۇيىم باسشىسىنىڭ بايلانىس مالىمەتتەرى كورسەتىلگەن تاقتالار ورناتىلادى. مارشرۋتىڭىزدى الدىن الا جوسپارلاۋىڭىزدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋ قويۋعا قاتىستى بارلىق اقپارات @AlmatyJoly Telegram ارناسىندا، اۋدان اكىمدىكتەرىنىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتى» سەرۆيستەرىندە جاريالانادى.