الماتىنىڭ تۇركسىب اۋدانىندا 594 ءۇي رەنوۆاسيالاۋدى قاجەت ەتەدى. الماتى قالاسى تۇركسىب اۋدانى اكىمىنىڭ ورىنباسارى نايل لەبايەۆ وڭىرلىك كوممۋنيكاسيالار قىزمەتىندە وتكەن بريفينگتە بۇل ماسەلەنىڭ شەشىمى تابىلا باستاعانىن، ەكى قاباتتى 13 ەسكى ءۇيدى بۇزۋ جوسپارلانعانىن ايتتى، دەپ حابارليدى اlmaty-akshamy.kz الماتى قالاسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.
«اۋداننىڭ كوپ پاتەرلى تۇرعىن ءۇي قورى 1229 ءۇيدى قۇرايدى، ونىڭ ىشىندە رەنوۆاسيانى تالاپ ەتەتىن ەسكى ۇيلەر سانى – 594. قازىرگى ۋاقىتتا ساۋرانبايەۆ - سپارتاك - چەرنىشيەۆسكيي - اقىنوۆ كوشەلەرىنىڭ كۆادراتىندا 13 ەسكى ەكى قاباتتى تۇرعىن ءۇيدى، بارلىعى 201 پاتەردى بۇزۋ جوسپارلانۋدا. اتالعان ۋچاسكەدە 856 پاتەرلى 40 بەس قاباتتى تۇرعىن ءۇي سالىنادى»، - دەدى ن. لەبايەۆ.
سپيكەر وتكەن جىلى 3 كوپ قاباتتى ءۇيدىڭ (62 پاتەر) قۇرىلىسى اياقتالعانىن حابارلادى. ەكى قاباتتى ءۇش ءۇي بۇزىلىپ، ولاردىڭ ورنىنا 7 بەس قاباتتى ءۇيدىڭ (152 پاتەر) قۇرىلىسى باستالدى. جۇمىستاردى 2023 جىلدىڭ ءىى توقسانىندا اياقتاۋ جوسپارلانىپ وتىر.
"QazaqStroy" جەكە ينۆەستورىمەن سەيفۋللين، كاسسين، كوتەلنيكوۆ كوشەلەرىنىڭ كۆادراتىندا 30 سەگىز پاتەرلى ەسكى ۇيلەردى رەنوۆاسيالاۋ باستالدى. اتالعان ۋچاسكەدە 27 التى قاباتتى ءۇي (820 پاتەر) سالىنادى. قازىردە 114 پاتەرلىك 2 ءۇي سالىنىپ، پايدالانۋعا بەرىلدى.
2021 جىلى «اگروسپەسستروي» مەردىگەرلىك ۇيىمى وسيپەنكو كوشەسىندە 59 پاتەرلى ءبىر كوپ پاتەرلى تۇرعىن ءۇيدىڭ قۇرىلىسى باستالدى، نىساندى تاپسىرۋ مەرزىمى – 2022 جىلدىڭ IV توقسانى.
سونداي-اق، تۇركسىب اۋدانىندا «تكش مودەرنيزاسيالاۋ» باعدارلاماسى جۇزەگە اسىرىلۋدا، 8 كوپ قاباتتى ءۇي جوندەلدى. سونداي-اق، 2017-2022 جىلدار ارالىعىندا 543 اۋلا اباتتاندىرىلدى.