بۇل تۋرالى الماتى قالاسى تۇركسىب اۋدانى اكىمىنىڭ ورىنباسارى نايل لەبايەۆ وڭىرلىك كوممۋنيكاسيالار قىزمەتىنىڭ بريفينگىندە مالىمدەدى، دەپ حابارلايدى Almaty-akshamy.kz.
اكىمدىك وكىلىنىڭ حابارلاۋىنشا، اۋداندا ۇزىندىعى 482 كم بولاتىن 486 كوشە بار. 439 كوشەگە اسفالتتالعان نەمەسە 90%-ىن قۇرايدى.
«قازىردە ۇزىندىعى 10،2 كم بولاتىن 17 كوشەنى ورتاشا جوندەۋ بويىنشا جول جۇمىستارى اياقتالدى. بۇل ل. تولستوي، ساۋرانبايەۆ، ەرجانوۆ كوشەسىنىڭ قيىلىسى، تىنىشباۆ كوشەسىنىڭ قيىلىسى جانە باسقالارى. "المەرەك" جانە "قايرات" شاعىناۋداندارىندا ينجەنەرلىك جەلىلەر قۇرىلىسى اياقتالعاننان كەيىن تاعى 30 كوشە جوندەلەتىن بولادى»، – دەپ حابارلادى اكىمنىڭ ورىنباسارى.
سونىمەن قاتار، الماتى قالاسىنىڭ قالالىق موبيلدىلىك باسقارماسى اۋداننىڭ 7 ۋچاسكەسى بويىنشا 9،5 كم جاياۋ جۇرگىنشىلەر جولى جوندەلدى (نامانگان، دونەنتايەۆ، لاۆرەنيەۆ، مايلين، اقان سەرى، پاپانين، احمەتوۆ)، قازىرگى ۋاقىتتا سەيفۋللين داڭعىلىنىڭ 2 كم-ىندە جۇمىستار جۇرگىزىلۋدە.
«بيىلعى جىلى قۇلجا تراكتىسى مەن بۇقتىرما كوشەلەرىنىڭ قيىلىسىندا كولىك جولايرىعىنىڭ قۇرىلىسى اياقتالادى. جەر ءۇستى جاياۋ جۇرگىنشىلەر وتكەلدەرىن سالۋعا جسق ازىرلەندى: «پاراسات» تك جانىندا رىسقۇلوۆ داڭعىلىمەن جانە تەمىرجول جولدارى ارقىلى ەرجانوۆ كوشەسىمەن. ساراپتامانى الۋ مەرزىمى: اعىمداعى جىلدىڭ قىركۇيەك جانە جەلتوقسان ايلارى»، – دەپ جالعاستىردى ن. لەبايەۆ.
سونىمەن قاتار، حمەلنيسكيي كوشەسى "قايرات" شاعىناۋدانىنان قۇلجا تراكتىسىنە دەيىن ۇزارتۋ بويىنشا جسق ازىرلەۋ جۇمىستارى جۇرگىزىلۋدە.
نايل لەبايەۆ كوشەلەردى جارىقتاندىرۋ سۇراقتارىنا دا توقتالىپ ءوتتى. ونىڭ ايتۋىنشا، وتكەن جىلى 614 ۋچاسكەدە اعىمدىق جوندەۋ جۇمىستارى جۇرگىزىلگەن، 8463 كرونشتەين جانە شام ورناتىلعان. جىل سوڭىنا دەيىن اۋداننىڭ ءىشىنارا جارىقتاندىرىلعان جۇزدەن اسا كوشەسىن قوسىمشا جارىقتاندىرۋ جوسپارلانۋدا.
لاۆرەنيەۆ كوشەسى، ۇزىندىعى 8 كم بولاتىن قۇلجا تراكتىسى بويىنشا سىرتقى جارىقتاندىرۋ جەلىلەرىن مودەرنيزاسيالاۋ بويىنشا جۇمىستار اياقتالدى. شولوحوۆ كوشەسىنەن سەيفۋللين داڭعىلىنا دەيىن اقان سەرى كوشەسىندە جۇمىستارى جالعاسۋدا. جوسپارلانعان اياقتاۋ مەرزىمى – 2022 جىلدىڭ ءۇشىنشى توقسانى.